مسند أبي يعلى الموصلي

وَعَنْ أَبِي مُوسَى ، عَنِ النَّبِيِّ - صَلَّى اللهُ عَلَيْهِ وَسَلَّمَ - قَالَ : « رَأَيْتُ فِي الْمَنَامِ أَنِّي أُهَاجِرُ مِنْ مَكَّةَ إِلَى أَرْضٍ بِهَا نَخْلٌ ، فَذَهَبَ وَهْمِي إِلَى أَنَّهَا الْيَمَامَةُ وَهَجَرُ ، فَإِذَا هِيَ الْمَدِينَةُ يَثْرِبُ .
وَرَأَيْتُ فِي رُؤْيَايَ هَذِهِ أَنِّي هَزَزْتُ سَيْفًا فَانْقَطَعَ صَدْرُهُ ، فَإِذَا هُوَ مَا أُصِيبَ مِنَ الْمُؤْمِنِينَ يَوْمَ أُحُدٍ ، وَهَزَزْتُهُ أُخْرَى فَعَادَ خَيْرًا مِمَّا كَانَ ، فَإِذَا هُوَ مَا جَاءَ اللهُ بِهِ مِنَ الْفَتْحِ وَاجْتِمَاعِ الْمُؤْمِنِينَ ، وَرَأَيْتُ فِيهَا أَيْضًا بَقَرًا وَاللهُ خَيْرٌ ، فَإِذَا هُمُ النَّفَرُ مِنَ الْمُؤْمِنِينَ يَوْمَ أُحُدٍ ، وَإِذَا الْخَيْرُ مَا جَاءَ اللهُ بِهِ مِنَ الْخَيْرِ بَعْدُ ، وَثَوَابُ الصِّدْقِ أَتَانَا بَعْدُ يَوْمَ بَدْرٍ » .

سیدنا ابوموسیٰ رضی اللہ عنہ سے روایت ہے کہ نبی کریم ﷺ نے ارشاد فرمایا: ”میں نے خواب میں دیکھا کہ میں مکہ سے ایک ایسی سرزمین کی طرف ہجرت کر رہا ہوں جہاں کھجوروں کے نخلستان ہیں، میرا گمان یہ ہوا کہ وہ جگہ یمامہ یا ہجر ہے، مگر وہ تو مدینہ یعنی یثرب نکلی، اور میں نے اپنے اسی خواب میں دیکھا کہ میں نے ایک تلوار لہرائی تو اس کا اگلا حصہ ٹوٹ گیا، تو اس سے مراد وہ آزمائش اور جانی نقصان تھا جو غزوہ احد کے دن اہل ایمان کو پہنچا، پھر میں نے اسے دوبارہ لہرایا تو وہ پہلے سے بھی بہتر حالت میں لوٹ آئی، تو اس سے مراد وہ فتح اور مسلمانوں کی جمعیت و اتحاد تھا جو اللہ تعالیٰ نے بعد میں عطا فرمایا، نیز میں نے اس خواب میں کچھ گائے بھی دیکھیں، «وَاللَّهُ خَيْرٌ» ”اور اللہ کی طرف سے جو ہو وہ بہتر ہے“، تو اس سے مراد اہل ایمان کی وہ جماعت تھی جو احد کے دن (جامِ شہادت نوش کر گئی)، اور اس خیر سے مراد وہ بھلائی تھی جو اللہ تعالیٰ نے اس کے بعد مرحمت فرمائی اور سچائی کا وہ صلہ تھا جو ہمیں یومِ بدر کے بعد حاصل ہوا۔“