مسند أبي يعلى الموصلي

حَدَّثَنَا أَبُو كُرَيْبٍ ، حَدَّثَنَا يَحْيَى بْنُ بُرَيْدٍ ، حَدَّثَنِي أَبِي ، عَنْ أَبِي بُرْدَةَ ، عَنْ أَبِي مُوسَى قَالَ : قَدِمَ عَلَى عُمَرَ ، فَقَامَ عَلَى بَابِهِ ، فَقَالَ : السَّلَامُ عَلَيْكُمْ وَرَحْمَةُ اللهِ ، أَيُؤْذَنُ لِأَبِي مُوسَى - أَوْ لِعَبْدِ اللهِ بْنِ قَيْسٍ ؟ ثَلَاثًا ، فَلَمْ يُكَلَّمْ ، فَانْصَرَفَ ، فَخَرَجَ عُمَرُ ، فَقَالَ : أَيْنَ أَبُو مُوسَى ؟ قَالُوا : انْصَرَفَ ، فَبَعَثَ فِي أَثَرِهِ ، فَلَمَّا أَنْ جَاءَ قَالَ : مَا صَرَفَكَ ؟ قَالَ : اسْتَأْذَنْتُ ثَلَاثًا ، فَلَمْ يُؤْذَنْ لِي ، فَانْصَرَفْتُ ، وَسَمِعْتُ رَسُولَ اللهِ - صَلَّى اللهُ عَلَيْهِ وَسَلَّمَ - يَقُولُ : مَنِ اسْتَأْذَنَ ثَلَاثًا فَلَمْ يُؤْذَنْ لَهُ ، فَلْيَنْصَرِفْ قَالَ : ائْتِنِي مَعَكَ بِمَنْ سَمِعَ هَذَا مِنْهُ قَالَ : فَأَتَى الْأَنْصَارَ ، فَأَخْبَرَهُمْ قَالَ : فَكُلُّهُمْ يَقُولُ : قَدْ سَمِعْنَا ، فَقَالَ : لِيَقُمْ مَعِي بَعْضُكُمْ ، فَقَامَ مَعَهُ بَعْضُهُمْ ، فَأَتَى عُمَرَ ، فَأَخْبَرَهُمْ .

سیدنا ابو موسیٰ رضی اللہ عنہ سے روایت ہے کہ وہ سیدنا عمر رضی اللہ عنہ کے ہاں حاضر ہوئے اور ان کے دروازے پر کھڑے ہو کر عرض کیا: ”السلام علیکم ورحمۃ اللہ، کیا ابوموسیٰ کو اجازت ہے؟ یا (یوں کہا) کیا عبداللہ بن قیس کو اجازت ہے؟“ انہوں نے تین مرتبہ اسی طرح عرض کیا مگر جب انہیں کوئی جواب نہ ملا تو وہ واپس لوٹ گئے۔ بعد ازاں سیدنا عمر رضی اللہ عنہ باہر تشریف لائے اور دریافت فرمایا: ”ابوموسیٰ کہاں ہیں؟“ لوگوں نے بتایا کہ وہ تو واپس چلے گئے ہیں، جس پر انہوں نے ان کے پیچھے ایک قاصد بھیجا۔ جب وہ تشریف لائے تو سیدنا عمر رضی اللہ عنہ نے پوچھا: ”آپ کو کس بات نے واپس لوٹنے پر مجبور کیا؟“ انہوں نے جواب دیا: ”میں نے تین بار اجازت طلب کی تھی لیکن مجھے اجازت نہیں دی گئی تو میں واپس چلا گیا، کیونکہ میں نے رسول اللہ ﷺ کو یہ فرماتے ہوئے سنا ہے: ”جس شخص نے تین بار اجازت مانگی اور اسے اجازت نہ دی جائے تو اسے واپس لوٹ جانا چاہیے“۔“ سیدنا عمر رضی اللہ عنہ نے فرمایا: ”میرے پاس کوئی ایسا شخص لائیں جس نے یہ فرمان آپ ﷺ سے خود سنا ہو“۔ چنانچہ وہ انصار کی محفل میں گئے اور انہیں اس بارے میں بتایا، تو ان سب نے کہا: ”یقیناً ہم سب نے یہ بات سن رکھی ہے“۔ انہوں نے کہا: ”تم میں سے کوئی میرے ساتھ چلے“، چنانچہ ان میں سے ایک صاحب (گواہی دینے کے لیے) ان کے ہمراہ گئے اور سیدنا عمر رضی اللہ عنہ کی خدمت میں حاضر ہو کر انہیں اس کی خبر دی۔