مسند أبي يعلى الموصلي

حَدِيثُ خَبَّابِ بْنِ الْأَرَتِّ
حَدَّثَنَا زُهَيْرٌ ، حَدَّثَنَا جَرِيرٌ ، عَنْ إِسْمَاعِيلَ ، عَنْ قَيْسٍ ، عَنْ خَبَّابٍ قَالَ : شَكَوْنَا إِلَى رَسُولِ اللهِ - صَلَّى اللهُ عَلَيْهِ وَسَلَّمَ - وَهُوَ مُتَوَسِّدٌ بِبُرْدَةٍ لَهُ فِي ظِلِّ الْكَعْبَةِ ، فَقُلْنَا : أَلَا تَسْتَنْصِرُ لَنَا ؟ فَجَلَسَ مُحْمَرًّا وَجْهُهُ ، فَقَالَ : قَدْ كَانَ مَنْ قَبْلَكُمْ يُؤْخَذُ الرَّجُلُ فَيُحْفَرُ لَهُ فِي الْأَرْضِ ، ثُمَّ يُجَاءُ بِالْمِنْشَارِ يُجْعَلُ فَوْقَ رَأْسِهِ ، مَا يَصْرِفُهُ عَنْ دِينِهِ ، أَوْ يُمْشَطُ بِأَمْشَاطِ الْحَدِيدِ مَا دُونَ لَحْمِهِ مِنْ عَظْمٍ وَعَصَبٍ مَا يَصْرِفُهُ عَنْ دِينِهِ ، وَلَيُتِمَّنَّ اللهُ هَذَا الْأَمْرَ حَتَّى يَسِيرَ الرَّاكِبُ مِنْ صَنْعَاءَ إِلَى حَضْرَمَوْتَ لَا يَخْشَى إِلَّا اللهَ - عَزَّ وَجَلَّ - ، وَالذِّئْبَ عَلَى غَنَمِهِ ، وَلَكِنَّكُمْ تَعْجَلُونَ .

سیدنا خباب رضی اللہ عنہ سے روایت ہے کہ ہم نے رسول اللہ ﷺ سے (مشرکین کے مظالم کی) شکایت کی جبکہ آپ ﷺ خانہ کعبہ کے سائے میں اپنی ایک چادر پر تکیہ لگائے تشریف فرما تھے، ہم نے عرض کیا: ”کیا آپ ہمارے لیے اللہ سے نصرت کی دعا نہیں فرماتے؟“ یہ سن کر آپ ﷺ کا چہرہ مبارک متغیر ہو کر سرخ ہو گیا اور آپ بیٹھ گئے، پھر ارشاد فرمایا: ”تم سے پہلے لوگوں میں سے کسی شخص کو لایا جاتا، اس کے لیے زمین میں گڑھا کھودا جاتا، پھر آرا لا کر اس کے سر کے درمیان رکھ دیا جاتا (جس سے اس کے دو ٹکڑے کر دیے جاتے) مگر یہ تکلیف بھی اسے اس کے دین سے نہ پھیر پاتی، یا پھر لوہے کی کنگھیوں سے اس کے گوشت کے نیچے ہڈیوں اور پٹھوں تک کو چھل دیا جاتا مگر یہ سب کچھ بھی اسے اس کے دین سے نہ ہٹا سکتا؛ اور اللہ کی قسم! اللہ تعالیٰ اس امرِ دین کو ضرور مکمل فرمائے گا یہاں تک کہ ایک سوار صنعاء سے حضرموت تک کا سفر طے کرے گا اور اسے اللہ عزوجل کے سوا کسی کا خوف نہ ہوگا، اور زیادہ سے زیادہ اپنی بکریوں پر بھیڑیے کا کھٹکا ہوگا، لیکن تم لوگ جلدی کرتے ہو۔“