مسند أبي يعلى الموصلي

حَدَّثَنَا أَبُو الْحَارِثِ سُرَيْجُ بْنُ يُونُسَ ، حَدَّثَنَا يَحْيَى بْنُ سَعِيدٍ ، عَنِ ابْنِ جُرَيْجٍ ، عَنْ عَاصِمِ بْنِ عُبَيْدِ اللهِ ، عَنْ عَبْدِ اللهِ بْنِ عَامِرِ بْنِ رَبِيعَةَ ، عَنْ أَبِيهِ قَالَ : قَالَ رَسُولُ اللهِ - صَلَّى اللهُ عَلَيْهِ وَسَلَّمَ - : « يَكُونُ عَلَيْكُمْ أُمَرَاءُ يُصَلُّونَ الصَّلَاةَ لِوَقْتِهَا ، وَيُؤَخِّرُونَ عَنْ وَقْتِهَا ، فَمَا صَلَّوْهَا لِوَقْتِهَا وَصَلَّيْتُمُوهَا مَعَهُمْ فَلَكُمْ وَلَهُمْ ، وَمَا أَخَّرُوهَا عَنْ وَقْتِهَا ، فَصَلَّيْتُمُوهَا مَعَهُمْ ، فَلَكُمْ وَعَلَيْهِمْ ، وَمَنْ فَارَقَ الْجَمَاعَةَ خَلَعَ رِبْقَةَ الْإِسْلَامِ مِنْ عُنُقِهِ ، وَمَنْ مَاتَ نَاكِثًا الْعَهْدَ ، جَاءَ يَوْمَ الْقِيَامَةِ لَا حُجَّةَ لَهُ » .

سیدنا عامر بن ربیعہ رضی اللہ عنہ سے روایت ہے کہ رسول اللہ ﷺ نے ارشاد فرمایا: ”تم پر ایسے حکمران ہوں گے جو نماز کو اس کے وقت پر بھی ادا کریں گے اور (کبھی) وقت سے مؤخر بھی کریں گے، پس جو نماز انہوں نے وقت پر پڑھی اور تم نے ان کے ساتھ ادا کی تو اس کا اجر تمہارے لیے بھی ہے اور ان کے لیے بھی، اور جس نماز میں انہوں نے تاخیر کی اور تم نے (جماعت کی رعایت میں) ان کے ساتھ ادا کی تو (نماز کا ثواب) تمہارے لیے ہے اور (تاخیر کا وبال) ان پر ہے، اور جس شخص نے جماعت سے علیحدگی اختیار کی اس نے اپنی گردن سے اسلام کا پٹہ اتار پھینکا، اور جو شخص (حاکمِ وقت کی اطاعت کا) عہد توڑتے ہوئے مرا وہ قیامت کے دن اس حال میں آئے گا کہ اس کے پاس (اپنی نجات کے لیے) کوئی دلیل و حجت نہ ہوگی۔“