مسند أبي يعلى الموصلي

حَدَّثَنَا الْعَبَّاسُ بْنُ الْوَلِيدِ ، حَدَّثَنَا يُوسُفُ بْنُ خَالِدٍ ، عَنْ عُمَرَ بْنِ إِسْحَاقَ ، أَنَّهُ سَمِعَ عَطَاءَ بْنَ يَسَارٍ يُحَدِّثُ ، عَنْ مَيْمُونَةَ زَوْجِ النَّبِيِّ - صَلَّى اللهُ عَلَيْهِ وَسَلَّمَ - أَنَّ رَسُولَ اللهِ - صَلَّى اللهُ عَلَيْهِ وَسَلَّمَ - قَالَ : قَالَ اللهُ عَزَّ وَجَلَّ : مَنْ آذَى لِي وَلِيًّا فَقَدِ اسْتَحَقَّ مُحَارَبَتِي ، وَمَا تَقَرَّبَ إِلَيَّ عَبْدٌ بِمِثْلِ أَدَاءِ فَرَائِضِي ، وَإِنَّهُ لَيَتَقَرَّبُ إِلَيَّ بِالنَّوَافِلِ حَتَّى أُحِبَّهُ ، فَإِذَا أَحْبَبْتُهُ كُنْتُ رِجْلَهُ الَّتِي يَمْشِي بِهَا ، وَيَدَهُ الَّتِي يَبْطِشُ بِهَا ، وَلِسَانَهُ الَّذِي يَنْطِقُ بِهِ ، وَقَلْبَهُ الَّذِي يَعْقِلُ بِهِ ، إِنْ سَأَلَنِي أَعْطَيْتُهُ ، وَإِنْ دَعَانِي أَجَبْتُهُ ، وَمَا تَرَدَّدْتُ عَنْ شَيْءٍ أَنَا فَاعِلُهُ كَتَرَدُّدِي عَنْ مَوْتِهِ ، وَذَاكَ أَنَّهُ يَكْرَهُهُ وَأَنَا أَكْرَهُ مَسَاءَتَهُ .

سیدہ میمونہ رضی اللہ عنہا سے روایت ہے کہ رسول اللہ ﷺ نے فرمایا: ”اللہ عزوجل کا ارشادِ گرامی ہے: ”جس نے میرے کسی ولی کو اذیت دی اس نے میرے خلاف اعلانِ جنگ کو دعوت دی، اور میرا بندہ میری فرض کردہ عبادتوں کی ادائیگی سے بڑھ کر کسی اور چیز کے ذریعے میرا تقرب حاصل نہیں کرتا، اور میرا بندہ مسلسل نوافل کے ذریعے میرا قرب حاصل کرتا رہتا ہے یہاں تک کہ میں اس سے محبت کرنے لگتا ہوں؛ پس جب میں اس سے محبت کرنے لگتا ہوں تو میں اس کے وہ پاؤں بن جاتا ہوں جن سے وہ چلتا ہے، اس کے وہ ہاتھ بن جاتا ہوں جن سے وہ پکڑتا ہے، اس کی وہ زبان بن جاتا ہوں جس سے وہ بولتا ہے اور اس کا وہ دل بن جاتا ہوں جس سے وہ عقل و فہم پاتا ہے، اگر وہ مجھ سے سوال کرے تو میں اسے ضرور عطا کرتا ہوں اور اگر وہ مجھے پکارے تو میں اس کی پکار قبول کرتا ہوں، اور میں نے جس کام کو کرنے کا ارادہ کیا ہو اس میں کبھی ایسا تردد نہیں کیا جیسا کہ میں اپنے بندے کی موت کے وقت تردد فرماتا ہوں، اس لیے کہ وہ موت کو ناپسند کرتا ہے اور میں اسے رنجیدہ کرنا ناپسند کرتا ہوں“۔“