مسند أبي يعلى الموصلي

حَدَّثَنَا أَبُو خَيْثَمَةَ ، حَدَّثَنَا عَفَّانُ ، حَدَّثَنَا حَمَّادٌ ، عَنْ عَلِيِّ بْنِ زَيْدٍ ، عَنْ سَعِيدِ بْنِ الْمُسَيِّبِ قَالَ : قُلْتُ لِسَعْدِ بْنِ مَالِكٍ : إِنِّي أُرِيدُ أَنْ أَسْأَلَكَ عَنْ حَدِيثٍ ، وَأَنَا أَهَابُكَ أَنْ أَسْأَلَكَ عَنْهُ ، فَقَالَ : لَا تَفْعَلْ يَا ابْنَ أَخِي ، إِذَا عَلِمْتَ أَنَّ عِنْدِي عِلْمًا فَاسْأَلْنِي عَنْهُ وَلَا تَهَبْنِي . قَالَ : قُلْتُ : قَوْلُ رَسُولِ اللهِ - صَلَّى اللهُ عَلَيْهِ وَسَلَّمَ - لِعَلِيٍّ حِينَ خَلَّفَهُ بِالْمَدِينَةِ فِي غَزْوَةِ تَبُوكَ ، فَقَالَ : يَا رَسُولَ اللهِ ، تُخَلِّفُنِي فِي الْخَالِفَةِ فِي النِّسَاءِ وَالصِّبْيَانِ ؟ قَالَ : أَمَا تَرْضَى أَنْ تَكُونَ مِنِّي بِمَنْزِلَةِ هَارُونَ مِنْ مُوسَى ؟ قَالَ : بَلَى يَا رَسُولَ اللهِ .
قَالَ : فَأَدْبَرَ عَلِيٌّ مُسْرِعًا ، فَكَأَنِّي أَنْظُرُ إِلَى غُبَارِ قَدَمَيْهِ يَسْطَعُ . وَقَدْ قَالَ حَمَّادٌ : رَجَعَ عَلِيٌّ مُسْرِعًا .

سعید بن المسیب رحمہ اللہ سے روایت ہے کہ انہوں نے سیدنا سعد بن مالک رضی اللہ عنہ سے عرض کیا: ”میں آپ سے ایک حدیث کے متعلق دریافت کرنا چاہتا ہوں لیکن آپ کی ہیبت و جلال کی وجہ سے سوال کرنے سے ڈرتا ہوں“، تو انہوں نے فرمایا: ”اے میرے بھتیجے! ایسا ہرگز نہ کرو، جب تمہیں معلوم ہو کہ میرے پاس کوئی علم ہے تو مجھ سے بلا جھجھک پوچھ لیا کرو اور مجھ سے مرعوب نہ ہو“، سعید بن المسیب رحمہ اللہ کہتے ہیں کہ میں نے عرض کیا: ”مجھے رسول اللہ ﷺ کے اس ارشاد کے بارے میں بتائیے جو آپ ﷺ نے غزوہ تبوک کے موقع پر سیدنا علی رضی اللہ عنہ سے اس وقت فرمایا تھا جب آپ ﷺ نے انہیں مدینہ منورہ میں پیچھے چھوڑا تھا“، تب سیدنا سعد رضی اللہ عنہ نے بتایا کہ اس وقت سیدنا علی رضی اللہ عنہ نے عرض کیا تھا: ”اے اللہ کے رسول ﷺ! کیا آپ مجھے پیچھے عورتوں اور بچوں میں پیچھے رہ جانے والوں کے ساتھ چھوڑ کر جا رہے ہیں؟“ تو رسول اللہ ﷺ نے ارشاد فرمایا: ”کیا تم اس بات پر خوش نہیں ہو کہ تمہارا میرے ساتھ وہی مقام ہو جو ہارون علیہ السلام کا موسیٰ علیہ السلام کے ساتھ تھا؟“ سیدنا علی رضی اللہ عنہ نے عرض کیا: ”کیوں نہیں اے اللہ کے رسول ﷺ! (میں اس پر راضی ہوں)“، راوی بیان کرتے ہیں کہ پھر سیدنا علی رضی اللہ عنہ تیزی سے پیٹھ پھیر کر روانہ ہوئے، گویا میں اب بھی ان کے قدموں سے اڑنے والی غبار کو بلند ہوتے دیکھ رہا ہوں، نیز حماد نامی راوی نے یہ لفظ بیان کیے ہیں کہ: ”سیدنا علی رضی اللہ عنہ تیزی سے واپس مڑے“۔