مسند أبي يعلى الموصلي

حَدَّثَنَا دَاوُدُ بْنُ رُشَيْدٍ ، حَدَّثَنَا خَلَفُ بْنُ خَلِيفَةَ ، حَدَّثَنَا يَزِيدُ بْنُ كَيْسَانَ ، عَنْ أَبِي حَازِمٍ ، عَنْ أَبِي هُرَيْرَةَ ، أَنَّ ضَيْفًا نَزَلَ بِرَسُولِ اللهِ - صَلَّى اللهُ عَلَيْهِ وَسَلَّمَ - يَوْمًا ، فَأَرْسَلَ إِلَى نِسَائِهِ : هَلْ عِنْدَكُمْ مِنْ شَيْءٍ ؟ فَقَدْ نَزَلَ بِي ضَيْفٌ اللَّيْلَةَ ، فَأَرْسَلْنَ إِلَيْهِ : لَا وَالَّذِي بَعَثَكَ بِالْحَقِّ مَا عِنْدَنَا إِلَّا الْمَاءُ . قَالَ : فَبَيْنَمَا هُوَ كَذَلِكَ إِذْ جَاءَ رَجُلٌ مِنَ الْأَنْصَارِ ، فَقَالَ نَبِيُّ اللهِ : أَعِنْدَكَ شَيْءٌ تَذْهَبُ بِضَيْفِنَا هَذِهِ اللَّيْلَةَ ؟ قَالَ الْأَنْصَارِيُّ : نَعَمْ يَا نَبِيَّ اللهِ ، قَالَ : فَانْطَلَقَ بِالضَّيْفِ ، قَالَ : فَلَمَّا أَتَى مَنْزِلَهُ قَالَ لِلْمَرْأَةِ : أَعِنْدَكِ شَيْءٌ ؟ قَالَتْ : نَعَمْ ، خُبْزَةٌ لَنَا ، قَالَ : فَكَأَنَّكِ تُصْلِحِينَ الْمِصْبَاحَ فَأَطْفِئِيهِ ، وَضَعِي الْخُبْزَ ، فَجَعَلَ يُدْخِلُ يَدَهُ مَعَ الضَّيْفِ هُوَ وَامْرَأَتُهُ ، وَيَرْفَعُونَ أَيْدِيَهُمْ إِلَى أَفْوَاهِهِمْ وَلَا يَأْكُلُونَ شَيْئًا ، وَخَلَّوْا بَيْنَ الضَّيْفِ وَالْخُبْزِ فَأَكَلَهَا ، فَلَمَّا أَصْبَحَ انْطَلَقَ الضَّيْفُ إِلَى حَاجَتِهِ .
قَالَ الْأَنْصَارِيُّ : بَلَغَ سَاعَتِي الَّتِي آتِي فِيهَا رَسُولَ اللهِ - صَلَّى اللهُ عَلَيْهِ وَسَلَّمَ - قَالَ : فَجِئْتُ إِلَى رَسُولِ اللهِ - صَلَّى اللهُ عَلَيْهِ وَسَلَّمَ - فَنَظَرَ إِلَيَّ مِنْ بَعِيدٍ ، قَالَ : مَا صَنَعْتَ بِضَيْفِكَ اللَّيْلَةَ ؟ قَالَ : فَظَنَنْتُ أَنَّ الضَّيْفَ شَكَانِي إِلَى رَسُولِ اللهِ ، فَقُلْتُ : يَا رَسُولَ اللهِ ، فَقُلْتُ : كَذَا وَكَذَا ، قَالَ : أَتَانِي جِبْرِيلُ عَلَيْهِ السَّلَامُ فَأَخْبَرَنِي أَنَّ رَبَّكَ عَجِبَ مِمَّا صَنَعْتَ بِضَيْفِكَ . أَوْ قَالَ : ضَحِكَ .

سیدنا ابو ہریرہ رضی اللہ عنہ سے روایت ہے کہ ایک دن رسول اللہ ﷺ کے پاس ایک مہمان آیا، آپ ﷺ نے اپنی ازواجِ مطہرات کے پاس پیغام بھیجا کہ ”کیا تمہارے پاس کوئی چیز ہے؟ کیونکہ آج رات میرے پاس ایک مہمان آیا ہے“، انہوں نے آپ ﷺ کی طرف جواب بھیجا کہ ”نہیں، اس ذات کی قسم جس نے آپ کو حق کے ساتھ مبعوث فرمایا! ہمارے پاس پانی کے سوا کچھ نہیں ہے“، راوی کہتے ہیں کہ اسی اثنا میں ایک انصاری صحابی آئے تو اللہ کے نبی ﷺ نے فرمایا: ”کیا تمہارے پاس کوئی ایسی چیز ہے کہ آج رات ہمارے اس مہمان کو اپنے ساتھ لے جاؤ؟“ انصاری رضی اللہ عنہ نے عرض کیا: ”جی ہاں اے اللہ کے نبی ﷺ!“، چنانچہ وہ مہمان کو لے کر چل دیے، جب وہ اپنے گھر پہنچے تو اپنی زوجہ سے پوچھا: ”کیا تمہارے پاس (کھانے کو) کوئی چیز ہے؟“ انہوں نے کہا: ”جی ہاں، ہمارے پاس صرف ایک روٹی ہے“، انہوں نے کہا: ”تم ایسا کرنا کہ چراغ درست کرنے کے بہانے اسے بجھا دینا اور روٹی سامنے رکھ دینا“، پھر وہ اور ان کی زوجہ مہمان کے ساتھ (کھانے کے لیے) اپنا ہاتھ برتن میں ڈالنے لگے اور اپنے ہاتھ اپنے مونہوں تک لے جاتے (جیسے کھانا کھا رہے ہوں) حالانکہ وہ کچھ نہیں کھا رہے تھے، انہوں نے مہمان کو روٹی کھانے کے لیے تنہا چھوڑ دیا اور اس نے وہ روٹی کھا لی، جب صبح ہوئی تو مہمان اپنی ضرورت کے لیے روانہ ہو گیا، انصاری رضی اللہ عنہ بیان کرتے ہیں کہ جب میرے رسول اللہ ﷺ کی خدمت میں حاضر ہونے کا وقت ہوا تو میں آپ ﷺ کے پاس آیا، آپ ﷺ نے مجھے دور سے دیکھا اور دریافت فرمایا: ”تم نے گزشتہ رات اپنے مہمان کے ساتھ کیا سلوک کیا تھا؟“ وہ کہتے ہیں کہ میں نے گمان کیا کہ شاید مہمان نے رسول اللہ ﷺ سے میری شکایت کر دی ہے، چنانچہ میں نے عرض کیا: ”یا رسول اللہ! میں نے تو اس طرح اور اس طرح کیا تھا“، آپ ﷺ نے فرمایا: ”میرے پاس جبرائیل علیہ السلام آئے اور انہوں نے مجھے خبر دی کہ تمہارے رب نے تمہارے اس فعل پر جو تم نے اپنے مہمان کے ساتھ کیا، تعجب فرمایا ہے - یا فرمایا کہ: (اللہ تعالیٰ) ہنس دیے ہیں -“۔