مسند أبي يعلى الموصلي

وَعَنْ أَبِي هُرَيْرَةَ قَالَ : قَالَ رَسُولُ اللهِ صَلَّى اللهُ عَلَيْهِ وَسَلَّمَ : لَا أُلْفِيَنَّ أَحَدَكُمْ يَجِيءُ يَوْمَ الْقِيَامَةِ ، عَلَى رَقَبَتِهِ بَعِيرٌ لَهُ رُغَاءٌ ، يَقُولُ : يَا رَسُولَ اللهِ ، أَقُولُ : لَا أَمْلِكُ لَكَ مِنَ اللهِ شَيْئًا قَدْ أَبْلَغْتُكَ .
لَا أُلْفِيَنَّ أَحَدَكُمْ يَجِيءُ يَوْمَ الْقِيَامَةِ ، عَلَى رَقَبَتِهِ شَاةٌ لَهَا يُعَارٌ ، يَقُولُ : يَا رَسُولَ اللهِ ، أَقُولُ : لَا أَمْلِكُ لَكَ مِنَ اللهِ شَيْئًا ، قَدْ أَبْلَغْتُكَ .
لَا أُلْفِيَنَّ أَحَدَكُمْ يَجِيءُ يَوْمَ الْقِيَامَةِ ، عَلَى رَقَبَتِهِ فَرَسٌ لَهَا حَمْحَمَةٌ ، يَقُولُ : يَا رَسُولَ اللهِ ، أَقُولُ : لَا أَمْلِكُ لَكَ مِنَ اللهِ شَيْئًا ، قَدْ أَبْلَغْتُكَ .
لَا أُلْفِيَنَّ أَحَدَكُمْ يَجِيءُ يَوْمَ الْقِيَامَةِ ، عَلَى رَقَبَتِهِ نَفْسٌ لَهَا صِيَاحٌ ، يَقُولُ : يَا رَسُولَ اللهِ ، أَقُولُ : لَا أَمْلِكُ لَكَ مِنَ اللهِ شَيْئًا ، قَدْ أَبْلَغْتُكَ .
وَلَا أُلْفِيَنَّ أَحَدَكُمْ يَجِيءُ يَوْمَ الْقِيَامَةِ ، عَلَى رَقَبَتِهِ صَامِتٌ ، يَقُولُ : يَا رَسُولَ اللهِ ، أَقُولُ : لَا أَمْلِكُ مِنَ اللهِ شَيْئًا ، قَدْ أَبْلَغْتُكَ .
لَا أُلْفِيَنَّ أَحَدَكُمْ يَجِيءُ يَوْمَ الْقِيَامَةِ ، عَلَى رَقَبَتِهِ رِقَاعٌ تَخْفِقُ يَقُولُ : يَا رَسُولَ اللهِ ، أَقُولُ : لَا أَمْلِكُ مِنَ اللهِ شَيْئًا ، قَدْ أَبْلَغْتُكَ .

سیدنا ابو ہریرہ رضی اللہ عنہ سے روایت ہے کہ رسول اللہ ﷺ نے ارشاد فرمایا: ”میں تم میں سے کسی کو ہرگز اس حال میں نہ پاؤں کہ وہ قیامت کے دن اس طرح آئے کہ اس کی گردن پر اونٹ لدا ہو جو بلبلا رہا ہو اور وہ شخص فریاد کرے: اے اللہ کے رسول! (میری مدد فرمائیے)، تو میں جواب دوں گا: میں اللہ کے حضور تمہارے لیے کسی چیز کا اختیار نہیں رکھتا، میں نے تمہیں (اللہ کا پیغام) پہنچا دیا تھا۔ میں تم میں سے کسی کو ہرگز اس حال میں نہ پاؤں کہ وہ قیامت کے دن اس طرح آئے کہ اس کی گردن پر بکری لدی ہو جو ممیارہی ہو اور وہ پکارے: اے اللہ کے رسول! تو میں کہوں گا: میں اللہ کے حضور تمہارے لیے کسی چیز کا اختیار نہیں رکھتا، میں نے تمہیں پہنچا دیا تھا۔ میں تم میں سے کسی کو ہرگز اس حال میں نہ پاؤں کہ وہ قیامت کے دن اس طرح آئے کہ اس کی گردن پر گھوڑا لدا ہو جو ہنہنا رہا ہو اور وہ کہے: اے اللہ کے رسول! تو میں کہوں گا: میں اللہ کے حضور تمہارے لیے کسی چیز کا اختیار نہیں رکھتا، میں نے تمہیں پہنچا دیا تھا۔ میں تم میں سے کسی کو ہرگز اس حال میں نہ پاؤں کہ وہ قیامت کے دن اس طرح آئے کہ اس کی گردن پر کوئی انسان سوار ہو جو چیخ رہا ہو اور وہ کہے: اے اللہ کے رسول! تو میں کہوں گا: میں اللہ کے حضور تمہارے لیے کسی چیز کا اختیار نہیں رکھتا، میں نے تمہیں پہنچا دیا تھا۔ میں تم میں سے کسی کو ہرگز اس حال میں نہ پاؤں کہ وہ قیامت کے دن اس طرح آئے کہ اس کی گردن پر سونا چاندی (مالِ صامت) لدا ہو اور وہ کہے: اے اللہ کے رسول! تو میں کہوں گا: میں اللہ کے حضور تمہارے لیے کسی چیز کا اختیار نہیں رکھتا، میں نے تمہیں پہنچا دیا تھا۔ اور میں تم میں سے کسی کو ہرگز اس حال میں نہ پاؤں کہ وہ قیامت کے دن اس طرح آئے کہ اس کی گردن پر کپڑے کے ٹکڑے ہوں جو لہرا رہے ہوں اور وہ کہے: اے اللہ کے رسول! تو میں کہوں گا: میں اللہ کے حضور تمہارے لیے کسی چیز کا اختیار نہیں رکھتا، میں نے تمہیں پہنچا دیا تھا۔“