مسند أبي يعلى الموصلي

وَعَنْ أَبِي هُرَيْرَةَ ، قَالَ : جَاءَ رَجُلٌ إِلَى رَسُولِ اللهِ صَلَّى اللهُ عَلَيْهِ وَسَلَّمَ فَقَالَ : مَنْ أَحَقُّ النَّاسِ مِنِّي بِحُسْنِ الصُّحْبَةِ ؟ قَالَ : أُمُّكَ ، قَالَ : ثُمَّ مَنْ ؟ قَالَ : ثُمَّ أُمُّكَ ، قَالَ : ثُمَّ مَنْ ؟ قَالَ : أُمُّكَ ، قَالَ : ثُمَّ مَنْ ؟ قَالَ : ثُمَّ أَبُوكَ .

سیدنا ابوہریرہ رضی اللہ عنہ سے روایت ہے کہ ایک شخص رسول اللہ ﷺ کی خدمتِ اقدس میں حاضر ہوا اور عرض کی کہ ”یا رسول اللہ! لوگوں میں میرے حسنِ سلوک اور حسنِ معاشرت کا سب سے زیادہ حق دار کون ہے؟“ آپ ﷺ نے ارشاد فرمایا: ”تمہاری ماں۔“ اس نے عرض کی: ”پھر کون؟“ آپ ﷺ نے فرمایا: ”تمہاری ماں۔“ اس نے دوبارہ دریافت کیا: ”پھر کون؟“ آپ ﷺ نے ارشاد فرمایا: ”تمہاری ماں۔“ اس نے چوتھی بار پوچھا: ”پھر کون؟“ تو آپ ﷺ نے ارشاد فرمایا: ”پھر تمہارا باپ۔“