مسند أبي يعلى الموصلي

حَدَّثَنَا هُدْبَةُ بْنُ خَالِدٍ ، حَدَّثَنَا حَزْمٌ ، عَنْ ثَابِتٍ ، عَنْ أَبِي بُرْدَةَ ، قَالَ : أَتَيْتُ الْمَدِينَةَ فَأَتَانِي عَبْدُ اللهِ بْنُ عُمَرَ ، فَقَالَ : هَلْ تَدْرِي لِمَ أَتَيْتُكَ ؟ قَالَ : قُلْتُ : لَا ، قَالَ : سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ : مَنْ أَحَبَّ أَنْ يَصِلَ أَبَاهُ فِي قَبْرِهِ ، فَلْيَصِلْ إِخْوَانَ أَبِيهِ بَعْدَهُ . وَإِنَّهُ كَانَ بَيْنَ أَبِي عُمَرَ ، وَبَيْنَ أَبِيكَ إِخَاءٌ وَوُدٌّ ، فَأَحْبَبْتُ أَنْ أَصِلَ ذَلِكَ .

ابوبردہ رحمہ اللہ بیان کرتے ہیں کہ میں مدینہ منورہ حاضر ہوا تو سیدنا عبداللہ بن عمر رضی اللہ عنہما میرے پاس تشریف لائے اور دریافت فرمایا: ”کیا تم جانتے ہو کہ میں تمہارے پاس کیوں آیا ہوں؟“ وہ کہتے ہیں کہ میں نے عرض کیا: ”نہیں،“ تو انہوں نے فرمایا کہ میں نے رسول اللہ ﷺ کو یہ ارشاد فرماتے ہوئے سنا ہے: «مَنْ أَحَبَّ أَنْ يَصِلَ أَبَاهُ فِي قَبْرِهِ، فَلْيَصِلْ إِخْوَانَ أَبِيهِ بَعْدَهُ» ”جو شخص یہ پسند کرتا ہو کہ وہ اپنے والد کے ساتھ ان کی قبر میں (یعنی وفات کے بعد) صلہ رحمی اور حسنِ سلوک کرے، تو اسے چاہیے کہ ان کے بعد ان کے بھائیوں اور دوستوں کے ساتھ صلہ رحمی کرے،“ اور حقیقت یہ ہے کہ میرے والد سیدنا عمر رضی اللہ عنہ اور تمہارے والد کے درمیان گہرا بھائی چارہ اور قلبی تعلق تھا، اس لیے میں نے چاہا کہ اس پرانے تعلق کو جوڑوں اور اسے نبھاؤں۔“