مسند أبي يعلى الموصلي

وَعَنْ عَبْدِ اللهِ ، قَالَ : كُنْتُ غُلَامًا يَافِعًا ، وَكُنْتُ أَرْعَى غَنَمًا لِابْنِ أَبِي مُعَيْطٍ ، فَجَاءَ النَّبِيُّ - صَلَّى اللهُ عَلَيْهِ وَسَلَّمَ - وَأَبُو بَكْرٍ قَدْ فَرَّا مِنَ الْمُشْرِكِينَ ، فَقَالَا : يَا غُلَامُ ، عِنْدَكَ مِنْ لَبَنٍ تَسْقِينَا ؟ فَقُلْتُ : نَعَمْ ، وَلَكِنِّي مُؤْتَمَنٌ ، وَلَسْتُ بِسَاقِيكُمَا ، فَقَالَ النَّبِيُّ - صَلَّى اللهُ عَلَيْهِ وَسَلَّمَ - : فَهَلْ عِنْدَكَ شَاةٌ جَذَعَةٌ لَمْ يَنْزُ عَلَيْهَا الْفَحْلُ ؟ قُلْتُ : نَعَمْ ، فَأَتَيْتُهُ بِهَا ، فَاعْتَقَلَهَا رَسُولُ اللهِ - صَلَّى اللهُ عَلَيْهِ وَسَلَّمَ - ، وَمَسَحَ الضَّرْعَ وَدَعَا ، فَجَعَلَ اللَّبَنُ يَدِرُّ ، وَأَتَاهُ أَبُو بَكْرٍ بِصَخْرَةٍ مُنْقَعِرَةٍ ، فَحَلَبَ فِيهَا فَشَرِبَ ، وَشَرِبَ أَبُو بَكْرٍ ، وَشَرِبْتُ ، ثُمَّ قَالَ لِلضَّرْعِ : اقْلِصْ ، فَقَلَصَ ، ثُمَّ أَتَيْتُهُ بَعْدَ ذَلِكَ فَقُلْتُ : يَا رَسُولَ اللهِ ، عَلِّمْنِي مِنْ هَذَا الْقَوْلِ - أَوْ مِنْ هَذَا الْقُرْآنِ - قَالَ : إِنَّكَ غُلَامٌ مُعَلَّمٌ ، وَلَكِنْ عَلَّمَنِي ، فَأَخَذْتُ مِنْ فِيهِ سَبْعِينَ سُورَةً لَا يُنَازِعُنِي فِيهَا أَحَدٌ .

سیدنا عبداللہ بن مسعود رضی اللہ عنہ سے روایت ہے کہ انہوں نے فرمایا: ”میں ایک نو عمر لڑکا تھا اور عقبہ بن ابی معیط کی بکریاں چرایا کرتا تھا، تو نبی کریم ﷺ اور سیدنا ابوبکر رضی اللہ عنہ (مکہ سے نکلتے ہوئے) اس حال میں تشریف لائے کہ وہ مشرکین سے بچ کر نکلے تھے، انہوں نے دریافت فرمایا: «يَا غُلَامُ، عِنْدَكَ مِنْ لَبَنٍ تَسْقِيَنَا؟» ”اے لڑکے! کیا تمہارے پاس کچھ دودھ ہے جو ہمیں پلا سکو؟“، میں نے عرض کی: جی ہاں ہے تو سہی، لیکن میں امانت دار ہوں اور میں (بغیر اجازت مالک کے) آپ دونوں کو دودھ نہیں پلا سکتا۔ نبی کریم ﷺ نے فرمایا: ”کیا تمہارے پاس ایسی چھوٹی عمر کی بکری ہے جس پر ابھی نر نہ چھوڑا گیا ہو (یعنی جو ابھی حاملہ نہ ہوئی ہو اور دودھ نہ دیتی ہو)؟“، میں نے کہا: جی ہاں، چنانچہ میں وہ بکری لے کر آپ ﷺ کی خدمت میں حاضر ہوا، تو رسول اللہ ﷺ نے اسے تھام لیا اور اس کے تھنوں پر ہاتھ پھیرا اور دعا فرمائی، پس دودھ کثرت سے بہنے لگا، اور سیدنا ابوبکر رضی اللہ عنہ ایک پیالے نما گہرا پتھر لے آئے تو آپ ﷺ نے اس میں دودھ نکالا، پھر خود بھی نوش فرمایا، سیدنا ابوبکر رضی اللہ عنہ نے بھی پیا اور میں نے بھی پیا، پھر آپ ﷺ نے تھن سے فرمایا: «اقْلِصْ» ”سکڑ جا“، تو وہ ویسا ہی (پہلے کی طرح خشک) ہو گیا۔ اس کے بعد میں آپ ﷺ کی خدمت میں حاضر ہوا اور عرض کی: اے اللہ کے رسول ﷺ! مجھے بھی اس کلام میں سے یعنی اس قرآن میں سے کچھ تعلیم دیجیے، تو آپ ﷺ نے فرمایا: ”بلاشبہ تم ایک سکھائے گئے (باادب) لڑکے ہو“، پس آپ ﷺ نے مجھے تعلیم دی اور میں نے آپ ﷺ کے دہنِ مبارک سے ستر سورتیں براہِ راست حاصل کیں جن کے بارے میں کوئی مجھ سے اختلاف یا مقابلہ نہیں کر سکتا۔“