مسند أبي يعلى الموصلي

وَعَنْ عَبْدِ اللهِ ، عَنِ النَّبِيِّ - صَلَّى اللهُ عَلَيْهِ وَسَلَّمَ - ، قَالَ : هَلْ تَدْرُونَ أَيُّ الصَّدَقَةِ أَفْضَلُ ؟ قَالُوا : اللهُ وَرَسُولُهُ أَعْلَمُ ، قَالَ : الْمِنْحَةُ أَنْ تَمْنَحَ أَخَاكَ الدَّنَانِيرَ ، أَوِ الدَّرَاهِمَ ، أَوِ الْبَقَرَةَ ، أَوِ الشَّاةَ ، أَوْ ظَهْرَ الدَّابَّةِ ، أَوْ لَبَنَ الشَّاةِ ، أَوْ لَبَنَ الْبَقَرَةِ ، وَلَمْ يَقُلِ : الْبَقَرَةَ وَالشَّاةَ .

سیدنا عبداللہ بن مسعود رضی اللہ عنہ سے روایت ہے کہ نبی کریم ﷺ نے دریافت فرمایا: ”کیا تم جانتے ہو کہ کون سا صدقہ سب سے افضل ہے؟“ صحابہ کرام رضی اللہ عنہم نے عرض کیا: ”اللہ اور اس کا رسول ﷺ ہی بہتر جانتے ہیں،“ آپ ﷺ نے ارشاد فرمایا: ”المنحہ (کسی کو نفع اٹھانے کے لیے عارضی طور پر کوئی چیز دینا)؛ یہ کہ تم اپنے بھائی کو دینار، یا درہم، یا گائے، یا بکری، یا کسی جانور کی پیٹھ (سواری کے لیے)، یا بکری کا دودھ، یا گائے کا دودھ (بطورِ عطیہ) پیش کرو،“ اور راوی نے (ایک ساتھ) گائے اور بکری کا لفظ نہیں کہا۔