مسند أبي يعلى الموصلي

حَدَّثَنَا الْعَبَّاسُ بْنُ الْوَلِيدِ النَّرْسِيُّ، حَدَّثَنَا مُسْلِمُ بْنُ خَالِدٍ الزَّنْجِيُّ، حَدَّثَنَا مُحَمَّدُ بْنُ السَّائِبِ بْنِ بَرَكَةَ، عَنْ أُمِّهِ أَنَّهَا طَافَتْ مَعَ عَائِشَةَ ثَلَاثَةَ أَسْبُعٍ كُلَّمَا طَافَتْ سَبْعًا تَعَوَّذَتْ بَيْنَ الْبَابِ وَالْحِجْرِ حَتَّى أَكْمَلَتْ لِكُلِّ سَبْعٍ رَكْعَتَيْنِ وَمَعَهَا " نِسْوَةٌ فَذَكَرْنَ حَسَّانَ بْنَ ثَابِتٍ فَوَقَعْنَ فِيهِ وَسَبَبْنَهُ. فَقَالَتْ: لَا تَسُبُّوهُ قَدْ أَصَابَهُ مَا قَالَ اللَّهُ {لَهُ عَذَابٌ عَظِيمٌ} [النور: 11] وَقَدْ عَمِيَ. وَاللَّهِ إِنِّي أَرْجُو أَنْ يُدْخِلَهُ اللَّهُ الْجَنَّةَ بِكَلِمَاتٍ قَالَهُنَّ لِمُحَمَّدٍ صلى الله عليه وسلم حِينَ يَقُولُ لِأَبِي سُفْيَانَ بْنِ الْحَارِثِ:
[البحر الوافر]
هَجَوْتَ مُحَمَّدًا فَأَجَبْتُ عَنْهُ … وَعِنْدَ اللَّهِ فِي ذَاكَ الْجَزَاءُ
فَإِنَّ أَبِي وَوَالِدَهُ وَعِرْضِي … لِعِرْضِ مُحَمَّدٍ مِنْكُمْ وِقَاءُ
أَتَهْجُوهُ وَلَسْتَ لَهُ بِكُفْءٍ؟ … فَشَرُّكُمَا لِخَيْرِكُمَا الْفِدَاءُ
"

محمد بن سائب بن برکہ کی والدہ رحمہا اللہ سے روایت ہے کہ انہوں نے سیدہ عائشہ رضی اللہ عنہا کے ساتھ (طوافِ کعبہ کے) سات سات چکروں کے تین چکر (اکیس چکر) مکمل کیے، سیدہ عائشہ رضی اللہ عنہا جب بھی سات چکر مکمل کرتیں تو بیت اللہ کے دروازے اور حجر (حطیم) کے درمیان اللہ کی پناہ مانگتیں یہاں تک کہ انہوں نے ہر سات چکروں کے بعد دو رکعتیں (نمازِ طواف) پڑھیں، ان کے ساتھ کچھ دیگر خواتین بھی تھیں جنہوں نے سیدنا حسان بن ثابت رضی اللہ عنہ کا تذکرہ چھیڑا اور ان کی عیب جوئی کرنے لگیں اور انہیں برا بھلا کہا، تو سیدہ عائشہ رضی اللہ عنہا نے فرمایا: ”تم انہیں برا بھلا نہ کہو، بیشک انہیں وہ (تکلیف) پہنچ چکی ہے جس کا ذکر اللہ تعالیٰ نے ان الفاظ میں فرمایا ہے ﴿لَهُ عَذَابٌ عَظِيمٌ﴾ ”اس کے لیے بڑا عذاب ہے“ اور وہ نابینا ہو چکے ہیں، اللہ کی قسم! میں امید کرتی ہوں کہ اللہ تعالیٰ انہیں ان کلمات کی برکت سے جنت میں داخل فرمائے گا جو انہوں نے ابو سفیان بن حارث کے جواب میں محمد ﷺ کی مدافعت میں کہے تھے جب وہ کہہ رہے تھے: «هَجَوْتَ مُحَمَّدًا فَأَجَبْتُ عَنْهُ وَعِنْدَ اللَّهِ فِي ذَاكَ الْجَزَاءُ» ”تم نے محمد (ﷺ) کی ہجو کی تو میں نے ان کی جانب سے جواب دیا اور اس کا اجر اللہ کے ہاں ملے گا،“ «فَإِنَّ أَبِي وَوَالِدَهُ وَعِرْضِي لِعِرْضِ مُحَمَّدٍ مِنْكُمْ وِقَاءُ» ”یقیناً میرے والد، ان کے والد اور میری عزت و آبرو، محمد (ﷺ) کی آبرو کی حفاظت کے لیے تمہارے مقابلے میں ڈھال ہیں،“ «أَتَهْجُوهُ وَلَسْتَ لَهُ بِكُفْءٍ فَشَرُّكُمَا لِخَيْرِكُمَا الْفِدَاءُ» ”کیا تم ان کی ہجو کرتے ہو حالانکہ تم ان کے ہم پلہ بھی نہیں ہو؟ تو تم دونوں میں سے جو برا ہے وہ اس پر قربان ہو جائے جو تم میں سب سے بہتر (صلی اللہ علیہ وسلم) ہے۔“ “