مسند أبي يعلى الموصلي

حَدَّثَنَا عَبْدُ الْأَعْلَى ، حَدَّثَنَا كَثِيرُ بْنُ هِشَامٍ ، حَدَّثَنَا جَعْفَرُ بْنُ بُرْقَانَ ، حَدَّثَنَا الزُّهْرِيُّ ، عَنْ عُرْوَةَ ، عَنْ عَائِشَةَ قَالَتْ : كُنْتُ أَنَا وَحَفْصَةُ صَائِمَتَيْنِ ، فَعَرَضَ لَنَا طَعَامٌ اشْتَهَيْنَاهُ ، فَأَكَلْنَا مِنْهُ ، فَجَاءَ رَسُولُ اللهِ - صَلَّى اللهُ عَلَيْهِ وَسَلَّمَ - فَبَدَرَتْنِي إِلَيْهِ حَفْصَةُ وَكَانَتِ ابْنَةَ أَبِيهَا ، فَقَالَتْ : يَا نَبِيَّ اللهِ ، إِنَّا كُنَّا صَائِمَتَيْنِ الْيَوْمَ ، فَعَرَضَ لَنَا طَعَامٌ اشْتَهَيْنَاهُ ، فَأَكَلْنَا مِنْهُ ، فَقَالَ : اقْضِيَا يَوْمًا آخَرَ .

سیدہ عائشہ رضی اللہ عنہا سے روایت ہے کہ انہوں نے بیان فرمایا: ”میں اور سیدہ حفصہ رضی اللہ عنہا دونوں روزے سے تھیں، اسی دوران ہمارے سامنے ایسا کھانا پیش کیا گیا جس کی ہمیں رغبت ہوئی تو ہم نے اس میں سے کھا لیا، پھر رسول اللہ ﷺ تشریف لائے تو سیدہ حفصہ رضی اللہ عنہا مجھ سے پہلے آپ ﷺ کی جانب لپکیں اور وہ اپنے والد کی بیٹی تھیں (یعنی ان جیسی جرات و بیباکی ان میں تھی)، انہوں نے عرض کی: اے اللہ کے نبی! ہم دونوں آج روزے سے تھیں، پھر ہمارے سامنے ایسا کھانا لایا گیا جس کی ہمیں خواہش ہوئی تو ہم نے اسے کھا لیا، آپ ﷺ نے ارشاد فرمایا: ”تم دونوں اس کے بدلے کسی اور دن کی قضا کر لو“۔“