مسند أبي يعلى الموصلي

حَدَّثَنَا أَبُو الرَّبِيعِ الزَّهْرَانِيُّ ، حَدَّثَنَا حَمَّادُ بْنُ زَيْدٍ ، عَنْ سِنَانِ بْنِ رَبِيعَةَ ، عَنْ أَنَسِ بْنِ مَالِكٍ ، قَالَ : انْطَلَقَتْ بِي أُمِّي إِلَى رَسُولِ اللهِ - صَلَّى اللهُ عَلَيْهِ وَسَلَّمَ - فَقَالَتْ : يَا رَسُولَ اللهِ ، خُوَيْدِمُكَ فَادْعُ اللهَ لَهُ ، فَقَالَ : اللَّهُمَّ أَكْثِرْ مَالَهُ وَوَلَدَهُ ، وَأَطِلْ عُمُرَهُ ، وَاغْفِرْ لَهُ ، قَالَ : فَكَثُرَ مَالِي حَتَّى صَارَ يُطْعِمُ فِي السَّنَةِ مَرَّتَيْنِ ، وَكَثُرَ وَلَدِي حَتَّى قَدْ دَفَنْتُ مِنْ صُلْبِي أَكْثَرَ مِنْ مِائَةٍ ، وَطَالَ عُمُرِي حَتَّى قَدِ اسْتَحْيَيْتُ مِنْ أَهْلِي ، وَاشْتَقْتُ لِقَاءَ رَبِّي ، وَأَمَّا الرَّابِعَةَ ، يَعْنِي الْمَغْفِرَةَ .

سیدنا انس بن مالک رضی اللہ عنہ سے روایت ہے کہ میری والدہ مجھے لے کر رسول اللہ ﷺ کی خدمت میں حاضر ہوئیں اور عرض کیا: ”اے اللہ کے رسول ﷺ! یہ آپ کا چھوٹا سا خادم ہے، پس آپ اس کے لیے اللہ تعالیٰ سے دعا فرما دیں“، تو آپ ﷺ نے یہ دعا فرمائی: «اللَّهُمَّ أَكْثِرْ مَالَهُ وَوَلَدَهُ، وَأَطِلْ عُمُرَهُ، وَاغْفِرْ لَهُ» ”اے اللہ! اس کے مال اور اولاد میں کثرت فرما، اس کی عمر دراز کر اور اسے بخش دے۔“ سیدنا انس رضی اللہ عنہ نے فرمایا: ”پس (اس دعا کی برکت سے) میرا مال اس قدر بڑھ گیا کہ میرا باغ سال میں دو مرتبہ پھل دینے لگا اور میری اولاد اتنی کثیر ہوئی کہ میں اپنی صلب سے پیدا ہونے والے سو سے زائد افراد کو خود دفن کر چکا ہوں، اور میری عمر اس قدر طویل ہوئی کہ اب مجھے اپنے گھر والوں سے شرم محسوس ہونے لگی ہے اور میں اپنے رب سے ملاقات کا مشتاق ہوں، اور رہی چوتھی بات، یعنی مغفرت (تو مجھے اس کی بھی پوری امید ہے)۔“