مسند أبي يعلى الموصلي

حَدَّثَنَا مُحَمَّدُ بْنُ الْخَطَّابِ ، حَدَّثَنَا عَبْدُ الْمَلِكِ بْنُ إِبْرَاهِيمَ ، حَدَّثَنَا سُلَيْمَانُ بْنُ الْمُغِيرَةِ ، حَدَّثَنَا ثَابِتٌ الْبُنَانِيُّ ، عَنْ أَنَسٍ ، قَالَ : كُنَّا نَهَابُ أَنْ نَسْأَلَ رَسُولَ اللهِ صَلَّى اللهُ عَلَيْهِ وَسَلَّمَ عَنْ شَيْءٍ ، وَكَانَ يُعْجِبُنَا أَنْ يَأْتِيَهُ الرَّجُلُ مِنْ أَهْلِ الْبَادِيَةِ فَيَسْأَلَهُ وَنَحْنُ نَسْتَمِعُ ، فَأَتَاهُ رَجُلٌ مِنْهُمْ ، فَقَالَ : يَا مُحَمَّدُ ، أَتَانَا رَسُولُكَ فَزَعَمَ أَنَّكَ تَزْعُمُ أَنَّ اللهَ أَرْسَلَكَ ، قَالَ : صَدَقَ ، قَالَ : فَمَنْ خَلَقَ السَّمَاءَ ؟ قَالَ : اللهُ ، قَالَ : فَمَنْ خَلَقَ الْأَرْضَ ؟ قَالَ : اللهُ ، قَالَ : فَمَنْ نَصَبَ هَذِهِ الْجِبَالَ ؟ قَالَ : اللهُ ، قَالَ : فَمَنْ جَعَلَ فِيهَا هَذِهِ الْمَنَابِعَ ؟ قَالَ : اللهُ ، قَالَ : فَبِالَّذِي خَلَقَ السَّمَاءَ وَالْأَرْضَ ، وَنَصَبَ الْجِبَالَ ، وَجَعَلَ فِيهَا هَذِهِ الْمَنَابِعَ ، آللهُ أَرْسَلَكَ ؟ قَالَ : نَعَمْ .
قَالَ : زَعَمَ رَسُولُكَ أَنَّ عَلَيْنَا خَمْسَ صَلَوَاتٍ فِي يَوْمِنَا وَلَيْلَتِنَا ، قَالَ : صَدَقَ ، قَالَ : فَبِالَّذِي أَرْسَلَكَ ، آللهُ أَمَرَكَ بِهَذَا ؟ قَالَ : نَعَمْ .
قَالَ : زَعَمَ رَسُولُكَ أَنَّ عَلَيْنَا صَدَقَةً فِي أَمْوَالِنَا ؟ قَالَ : صَدَقَ ، قَالَ : فَبِالَّذِي أَرْسَلَكَ ، آللهُ أَمَرَكَ بِهَذَا ؟ قَالَ : نَعَمْ .
قَالَ : زَعَمَ رَسُولُكَ أَنَّ عَلَيْنَا صَوْمَ شَهْرٍ فِي سَنَتِنَا ؟ قَالَ : صَدَقَ ، قَالَ : فَبِالَّذِي أَرْسَلَكَ ، آللهُ أَمَرَكَ بِهَذَا ؟ قَالَ : نَعَمْ .
قَالَ : زَعَمَ رَسُولُكَ أَنَّ عَلَيْنَا حَجَّ الْبَيْتِ مَنِ اسْتَطَاعَ إِلَيْهِ سَبِيلًا ؟ قَالَ : صَدَقَ ، قَالَ : فَبِالَّذِي أَرْسَلَكَ ، آللهُ أَمَرَكَ بِهَذَا ؟ قَالَ : نَعَمْ .
قَالَ : وَالَّذِي بَعَثَكَ بِالْحَقِّ لَا أَزِيدُ عَلَيْهِنَّ وَلَا أَنْقُصُ مِنْهُنَّ شَيْئًا ، قَالَ : فَلَمَّا قَفَّى ، قَالَ : لَئِنْ صَدَقَ لَيَدْخُلَنَّ الْجَنَّةَ .

سیدنا انس رضی اللہ عنہ سے روایت ہے کہ انہوں نے فرمایا: ”ہم رسول اللہ ﷺ سے (ان کے رعب و جلال کی وجہ سے) خود سے سوال کرنے میں جھجک محسوس کرتے تھے، اس لیے ہمیں یہ بات بہت بھلی لگتی تھی کہ کوئی سمجھدار دیہاتی آئے اور آپ ﷺ سے سوال کرے اور ہم اسے سنیں۔ چنانچہ ایک دیہاتی آپ ﷺ کی خدمت میں حاضر ہوا اور عرض کی: اے محمد (ﷺ)! ہمارے پاس آپ کا بھیجا ہوا قاصد آیا اور اس نے ہمیں بتایا کہ آپ کا یہ دعویٰ ہے کہ اللہ تعالیٰ نے آپ کو رسول بنا کر بھیجا ہے۔ آپ ﷺ نے فرمایا: ”اس نے سچ کہا۔“ اس نے پوچھا: تو آسمان کو کس نے پیدا کیا؟ آپ ﷺ نے فرمایا: ”اللہ نے۔“ اس نے پوچھا: زمین کو کس نے پیدا کیا؟ آپ ﷺ نے فرمایا: ”اللہ نے۔“ اس نے پوچھا: ان پہاڑوں کو کس نے نصب کیا؟ آپ ﷺ نے فرمایا: ”اللہ نے۔“ اس نے پوچھا: ان میں یہ چشمے کس نے بنائے؟ آپ ﷺ نے فرمایا: ”اللہ نے۔“ اس نے کہا: پس اس ذات کی قسم جس نے آسمان و زمین کو پیدا کیا، پہاڑوں کو نصب کیا اور ان میں یہ چشمے جاری کیے! کیا واقعی اللہ ہی نے آپ کو رسول بنا کر بھیجا ہے؟ آپ ﷺ نے فرمایا: ”ہاں۔“ اس نے کہا: آپ کے قاصد کا یہ بھی دعویٰ ہے کہ ہم پر دن اور رات میں پانچ نمازیں فرض ہیں؟ آپ ﷺ نے فرمایا: ”اس نے سچ کہا۔“ اس نے پوچھا: اس ذات کی قسم جس نے آپ کو مبعوث فرمایا! کیا اللہ ہی نے آپ کو اس کا حکم دیا ہے؟ آپ ﷺ نے فرمایا: ”ہاں۔“ اس نے کہا: آپ کے قاصد کا یہ بھی دعویٰ ہے کہ ہمارے مالوں میں زکوٰۃ فرض ہے؟ آپ ﷺ نے فرمایا: ”اس نے سچ کہا۔“ اس نے پوچھا: اس ذات کی قسم جس نے آپ کو مبعوث فرمایا! کیا اللہ ہی نے آپ کو اس کا حکم دیا ہے؟ آپ ﷺ نے فرمایا: ”ہاں۔“ اس نے کہا: آپ کے قاصد کا یہ دعویٰ ہے کہ ہم پر سال بھر میں ایک مہینے کے روزے فرض ہیں؟ آپ ﷺ نے فرمایا: ”اس نے سچ کہا۔“ اس نے پوچھا: اس ذات کی قسم جس نے آپ کو مبعوث فرمایا! کیا اللہ ہی نے آپ کو اس کا حکم دیا ہے؟ آپ ﷺ نے فرمایا: ”ہاں۔“ اس نے کہا: آپ کے قاصد کا یہ بھی دعویٰ ہے کہ ہم میں سے جو صاحبِ استطاعت ہو اس پر بیت اللہ کا حج فرض ہے؟ آپ ﷺ نے فرمایا: ”اس نے سچ کہا۔“ اس نے پوچھا: اس ذات کی قسم جس نے آپ کو مبعوث فرمایا! کیا اللہ ہی نے آپ کو اس کا حکم دیا ہے؟ آپ ﷺ نے فرمایا: ”ہاں۔“ پھر اس شخص نے کہا: اس ذات کی قسم جس نے آپ کو حق کے ساتھ مبعوث فرمایا! میں ان (فرائض) پر نہ تو کوئی اضافہ کروں گا اور نہ ہی ان میں سے کچھ کم کروں گا۔ جب وہ شخص پیٹھ پھیر کر جانے لگا تو آپ ﷺ نے ارشاد فرمایا: ”اگر اس نے سچ کہا ہے تو وہ ضرور جنت میں داخل ہو گا۔““