مسند أبي يعلى الموصلي

حَدَّثَنَا هُدْبَةُ، حَدَّثَنَا سُلَيْمَانُ بْنُ الْمُغِيرَةِ، عَنْ ثَابِتٍ، قَالَ: قُلْتُ لِأَنَسٍ: حَدِّثْنِي بِشَيْءٍ مِنْ هَذِهِ الْأَعَاجِيبِ لَا يُحَدِّثُهُ غَيْرُكَ. قَالَ: صَلَّى رَسُولُ اللَّهِ صلى الله عليه وسلم يَوْمًا الظُّهْرَ بِالْمَدِينَةِ، ثُمَّ أَتَى الْمَقَاعِدَ الَّتِي كَانَ يَأْتِيهِ عَلَيْهَا جِبْرِيلُ، فَقَعَدَ عَلَيْهَا، فَجَاءَ بِلَالٌ، فَنَادَى بِالْعَصْرِ، فَقَامَ مَنْ لَهُ أَهْلٌ بِالْمَدِينَةِ يَتَوَضَئُونَ وَيَقْضُونَ حَوَائِجَهُمْ، وَبَقِيَ رِجَالٌ مِنَ الْمُهَاجِرِينَ لَا أَهْلَ لَهُمْ بِالْمَدِينَةِ، فَأَتَى رَسُولُ اللَّهِ صلى الله عليه وسلم بِقَدَحٍ - يَعْنِي: رَحْرَاحٍ - فِيهِ مَاءٌ، فَوَضَعَ أَصَابِعَهُ فِي الْقَدَحِ، فَمَا وَسِعَ أَصَابِعَهُ كُلَّهَا، فَوَضَعَ هَؤُلَاءِ الْأَرْبَعَ، فَقَالَ: «هَلُمُّوا فَتَوَضَئُوا». فَتَوَضَئُوا أَجْمَعِينَ، قُلْتُ لِأَنَسٍ: كَمْ تُرَاهُمْ؟ قَالَ: مَا بَيْنَ السَّبْعِينَ إِلَى الثَّمَانِينَ

ثابت رحمہ اللہ سے روایت ہے کہ میں نے سیدنا انس رضی اللہ عنہ سے عرض کی: ”مجھے ان حیرت انگیز معجزات میں سے کچھ سنائیے جو آپ کے علاوہ کوئی اور نہیں سناتا۔“ انہوں نے بیان کیا کہ ایک دن رسول اللہ ﷺ نے مدینہ میں ظہر کی نماز پڑھائی، پھر آپ ﷺ ان نشست گاہوں پر تشریف لائے جہاں سیدنا جبریل علیہ السلام آپ ﷺ کے پاس آیا کرتے تھے، پس آپ ﷺ وہاں تشریف فرما ہو گئے، اتنے میں سیدنا بلال رضی اللہ عنہ آئے اور عصر کی اذان پکاری، پس جن لوگوں کے اہل و عیال مدینہ میں تھے وہ وضو کرنے اور اپنی ضروریات پوری کرنے کے لیے (اپنے گھروں کو) چلے گئے اور مہاجرین میں سے وہ مرد باقی رہ گئے جن کے اہل و عیال مدینہ میں نہ تھے، پھر رسول اللہ ﷺ کی خدمت میں ایک وسیع پیالہ لایا گیا جس میں (تھوڑا سا) پانی تھا، آپ ﷺ نے اپنی انگلیاں اس پیالے میں رکھیں لیکن تمام انگلیاں اس میں نہ سما سکیں، اس لیے آپ ﷺ نے اپنی یہ چار انگلیاں اس میں رکھ دیں اور فرمایا: «هَلُمُّوا فَتَوَضَئُوا» ”آؤ اور وضو کرو۔“ پس ان سب نے وضو کر لیا، میں (ثابت) نے سیدنا انس رضی اللہ عنہ سے پوچھا کہ آپ کے خیال میں وہ کتنے لوگ تھے؟ تو انہوں نے جواب دیا: ”ستر سے اسی کے درمیان۔“