مسند أبي يعلى الموصلي

وَبِإِسْنَادِهِ، عَنْ أَبِي إِسْحَاقَ قَالَ: سَمِعْتُ الْبَرَاءَ بْنَ عَازِبٍ قَالَ: «كَانَ أَوَّلُ مَنْ قَدِمَ مِنْ أَصْحَابِ رَسُولِ اللَّهِ صلى الله عليه وسلم مُصْعَبَ بْنَ عُمَيْرٍ، وَابْنَ أُمِّ مَكْتُومٍ، فَكَانُوا يُقْرِئُونَ النَّاسَ»، قَالَ: «فَقَدِمَ بِلَالٌ، وَسَعِيدٌ، وَعَمَّارُ بْنُ يَاسِرٍ»، قَالَ: «ثُمَّ قَدِمَ عُمَرُ بْنُ الْخَطَّابِ فِي عِشْرِينَ مِنْ أَصْحَابِ رَسُولِ اللَّهِ صلى الله عليه وسلم، ثُمَّ قَدِمَ رَسُولُ اللَّهِ صلى الله عليه وسلم، فَمَا رَأَيْتُ أَهْلَ الْمَدِينَةِ فَرِحُوا بِشَيْءٍ فَرَحَهُمْ بِرَسُولِ اللَّهِ صلى الله عليه وسلم»، قَالَ: " حَتَّى جَعَلَ الْإِمَاءُ يَقُلْنَ: قَدِمَ رَسُولُ اللَّهِ صلى الله عليه وسلم "، قَالَ: «فَمَا قَدِمَ حَتَّى قَرَأْتُ بِسَبِّحِ اسْمَ رَبِّكَ الْأَعْلَى فِي سُوَرٍ مِنَ الْمُفَصَّلِ»

سیدنا براء بن عازب رضی اللہ عنہ سے روایت ہے کہ انہوں نے بیان فرمایا: ”رسول اللہ ﷺ کے صحابہ میں سے جو سب سے پہلے (ہجرت کر کے مدینہ) تشریف لائے وہ سیدنا مصعب بن عمیر رضی اللہ عنہ اور سیدنا ابن ام مکتوم رضی اللہ عنہ تھے، یہ دونوں حضرات لوگوں کو قرآنِ کریم پڑھایا کرتے تھے۔“ پھر انہوں نے بیان کیا: ”اس کے بعد سیدنا بلال رضی اللہ عنہ، سیدنا سعید رضی اللہ عنہ اور سیدنا عمار بن یاسر رضی اللہ عنہ تشریف لائے۔“ پھر انہوں نے بیان کیا: ”پھر سیدنا عمر بن خطاب رضی اللہ عنہ رسول اللہ ﷺ کے بیس دیگر صحابہ کے ہمراہ تشریف لائے، اس کے بعد رسول اللہ ﷺ خود تشریف لائے۔ میں نے اہل مدینہ کو کبھی کسی چیز پر اتنا خوش ہوتے نہیں دیکھا جتنا وہ رسول اللہ ﷺ کی تشریف آوری پر خوش ہوئے“، یہاں تک کہ لونڈیاں بھی یہ پکارنے لگی تھیں: ”رسول اللہ ﷺ تشریف لے آئے ہیں۔“ انہوں نے بیان کیا کہ: ”آپ ﷺ کی تشریف آوری تک میں سورہ ﴿سَبِّحِ اسْمَ رَبِّكَ الْأَعْلَى﴾ اور مفصل کی دیگر کئی سورتیں پڑھ چکا (یعنی حفظ کر چکا) تھا۔“