مسند أبي يعلى الموصلي

حَدَّثَنَا إِسْحَاقُ بْنُ إِسْمَاعِيلَ ، حَدَّثَنَا سُفْيَانُ ، عَنِ الزُّهْرِيِّ ، سَمِعَ أَبَا عُبَيْدٍ مَوْلَى الزُّهْرِيِّينَ ، قَالَ :
شَهِدْتُ الْعِيدَ مَعَ عُمَرَ بْنِ الْخَطَّابِ ، فَبَدَأَ بِالصَّلَاةِ قَبْلَ الْخُطْبَةِ ، وَقَالَ : إِنَّ رَسُولَ اللهِ صَلَّى اللهُ عَلَيْهِ وَسَلَّمَ نَهَى عَنْ صِيَامِ هَذَيْنِ الْيَوْمَيْنِ ، أَمَّا يَوْمُ الْفِطْرِ فَفِطْرُكُمْ مِنْ صِيَامِكُمْ ، وَأَمَّا يَوْمُ الْأَضْحَى ، فَكُلُوا مِنْ لَحْمِ نُسُكِكُمْ ، لَمْ يَذْكُرْ فِيهِ أَكْثَرَ مِنْ هَذَا .

ابو عبید رحمہ اللہ (بنو زہرہ کے آزاد کردہ غلام) سے روایت ہے کہ انہوں نے بیان کیا کہ میں سیدنا عمر بن خطاب رضی اللہ عنہ کے ساتھ عید کی نماز میں حاضر ہوا، آپ رضی اللہ عنہ نے خطبے سے پہلے نماز کا آغاز کیا اور فرمایا کہ رسول اللہ ﷺ نے ”ان دو دنوں میں روزہ رکھنے سے منع فرمایا ہے؛ رہا عید الفطر کا دن تو وہ تمہارے روزوں کے افطار کا دن ہے اور رہا عید الاضحٰی کا دن تو تم (اس میں) اپنی قربانیوں کا گوشت کھایا کرو۔“ اس روایت میں اس سے زیادہ ذکر نہیں کیا گیا۔