مسند أبي يعلى الموصلي

وَعَنْ أَبِي سَعِيدٍ قَالَ : جَاءَتِ الْمَرْأَةُ إِلَى النَّبِيِّ - صَلَّى اللهُ عَلَيْهِ وَسَلَّمَ - فَقَالَتْ : يَا رَسُولَ اللهِ إِنَّ زَوْجِي صَفْوَانَ بْنَ الْمُعَطَّلِ يَضْرِبُنِي إِذَا صَلَّيْتُ ، وَيُفَطِّرُنِي إِذَا صُمْتُ ، وَلَا يُصَلِّي صَلَاةَ الْفَجْرِ حَتَّى تَطْلُعَ الشَّمْسُ ، وَصَفْوَانُ عِنْدَهُ ، فَسَأَلَهُ عَمَّا قَالَتْ ، فَقَالَ : يَا رَسُولَ اللهِ ، أَمَّا قَوْلُهَا : يَضْرِبُنِي إِذَا صَلَّيْتُ ، فَإِنَّهَا تَقْرَأُ بِسُورَتِي وَقَدْ نَهَيْتُهَا عَنْهَا ، فَقَالَ : « لَوْ كَانَتْ سُورَةً وَاحِدَةً لَكَفَتِ النَّاسَ » قَالَ : وَأَمَّا قَوْلُهَا : يُفَطِّرُنِي إِذَا صُمْتُ ، فَإِنَّهَا تَنْطَلِقُ وَتَصُومُ وَأَنَا رَجُلٌ شَابٌّ ، فَلَا أَصْبِرُ ، فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ - يَوْمَئِذٍ : لَا تَصُومَنَّ امْرَأَةٌ إِلَّا بِإِذْنِ زَوْجِهَا ، وَأَمَّا قَوْلُهَا : إِنِّي لَا أُصَلِّي حَتَّى تَطْلُعَ الشَّمْسُ . فَإِنَّا أَهْلُ بَيْتٍ قَدْ عُرِفَ فِينَا ذَاكَ ؛ أَنَّا لَا نَكَادُ نَسْتَيْقِظُ حَتَّى تَطْلُعَ الشَّمْسُ . قَالَ : فَإِذَا اسْتَيْقَظْتَ فَصَلِّ .

سیدنا ابو سعید رضی اللہ عنہ سے روایت ہے کہ ایک خاتون نبی ﷺ کی خدمت میں حاضر ہوئیں اور عرض کیا: ”اے اللہ کے رسول ﷺ! میرے شوہر سیدنا صفوان بن معطل رضی اللہ عنہ جب میں نماز پڑھتی ہوں تو مجھے مارتے ہیں، جب میں روزہ رکھتی ہوں تو میرا روزہ تڑوا دیتے ہیں، اور وہ فجر کی نماز اس وقت تک نہیں پڑھتے جب تک سورج طلوع نہ ہو جائے“، اس وقت سیدنا صفوان رضی اللہ عنہ آپ ﷺ کے پاس ہی موجود تھے، چنانچہ آپ ﷺ نے ان سے اس شکایت کے بارے میں دریافت فرمایا، تو انہوں نے عرض کیا: ”اے اللہ کے رسول ﷺ! رہا ان کا یہ قول کہ میں انہیں نماز پر مارتا ہوں، تو اس کی وجہ یہ ہے کہ یہ (نماز میں) دو سورتیں پڑھتی ہیں جبکہ میں نے انہیں اس سے منع کیا ہے“، اس پر آپ ﷺ نے فرمایا: ”اگر وہ ایک ہی سورت ہو تو وہ بھی لوگوں کے لیے کافی ہے“، پھر انہوں نے عرض کیا: ”رہی ان کی یہ بات کہ میں ان کا روزہ تڑوا دیتا ہوں، تو یہ (نفلی) روزہ رکھنے لگتی ہیں جبکہ میں ایک جوان آدمی ہوں اور (خواہشِ نفس پر) قابو نہیں پاتا“، تب رسول اللہ ﷺ نے ارشاد فرمایا: ”کوئی عورت اپنے شوہر کی اجازت کے بغیر (نفلی) روزہ نہ رکھے“، پھر انہوں نے عرض کیا: ”رہی ان کی یہ شکایت کہ میں سورج نکلنے تک نماز نہیں پڑھتا، تو ہم ایسے گھرانے سے تعلق رکھتے ہیں جس میں یہ بات معروف ہے کہ ہم سورج نکلنے سے پہلے بیدار ہی نہیں ہو پاتے“، تو آپ ﷺ نے فرمایا: ”(اے صفوان!) جب تم بیدار ہو جایا کرو تو نماز پڑھ لیا کرو“۔