مسند أبي يعلى الموصلي

حَدَّثَنَا عُقْبَةُ بْنُ مُكْرَمٍ، حَدَّثَنَا يُونُسُ، حَدَّثَنَا مُحَمَّدُ بْنُ إِسْحَاقَ، عَنْ عُبَيْدِ اللَّهِ بْنِ الْمُغِيرَةِ بْنِ مُعَيْقِيبٍ، عَنْ سُلَيْمَانَ بْنِ عَمْرِو بْنِ الْعُتْوَارِيِّ، وَكَانَ يَتِيمًا لِأَبِي سَعِيدٍ، عَنْ أَبِي سَعِيدٍ قَالَ: سَمِعْتُ رَسُولَ اللَّهِ صلى الله عليه وسلم يَقُولُ: " إِذَا جَمَعَ اللَّهُ النَّاسَ فِي صَعِيدٍ وَاحِدٍ يَوْمَ الْقِيَامَةِ، أَقْبَلْتِ النَّارُ يَرْكَبُ بَعْضُهَا بَعْضًا، وَخَزَنَتُهَا يَكُفُّونَهَا، وَهِيَ تَقُولُ: وَعِزَّةِ رَبِّي لَيُخْلَيَنَّ بَيْنِي وَبَيْنَ أَزْوَاجِي أَوْ لَأَغْشَيَنَّ النَّاسَ عُنُقًا وَاحِدًا فَيَقُولُونَ: وَمَنْ أَزْوَاجُكِ؟ فَتَقُولُ: كُلُّ مُتَكَبِّرٍ جُبَارٍ، فَتُخْرُجُ لِسَانَهَا فَتَلْتَقِطُهُمْ بِهِ مِنْ بَيْنِ ظَهْرَانَيِ النَّاسِ، فَتَقْذِفُهُمْ فِي جَوْفِهَا، ثُمَّ تَسْتَأْخِرُ، ثُمَّ تُقْبِلُ يَرْكَبُ بَعْضُهَا بَعْضًا، وَخَزَنَتُهَا يَكُفُّونَهَا وَهِيَ تَقُولُ: وَعِزَّةِ رَبِّي لَيُخَلَّيَنَّ بَيْنِي وَبَيْنَ أَزْوَاجِي أَوْ لَأَغْشَيَنَّ النَّاسَ عُنُقًا وَاحِدًا، فَيَقُولُونَ: وَمَنْ أَزْوَاجُكِ؟ فَتَقُولُ: كُلُّ جُبَارٍ كَفُورٍ، فَتَلْقُطُهُمْ بِلِسَانِهَا مِنْ بَيْنِ ظَهْرَانَيِ النَّاسِ فَتَقْذِفُهُمْ فِي جَوْفِهَا، ثُمَّ تَسْتَأْخِرُ ثُمَّ تُقْبِلُ فَيَرْكَبُ بَعْضُهَا بَعْضًا وَخَزَنَتُهَا يَكُفُّونَهَا وَهِيَ تَقُولُ: وَعِزَّةِ رَبِّي لَيُخَلَّيَنَّ بَيْنِي وَبَيْنَ أَزْوَاجِي أَوْ لَأَغْشَيَنَّ النَّاسَ عُنُقًا وَاحِدًا، فَيَقُولُونَ: مَنْ أَزْوَاجُكِ؟ فَتَقُولُ: كُلُّ مُخْتَالٍ فَخُورٍ، فَتَلْقُطُهُمْ بِلِسَانِهَا مِنْ بَيْنِ ظَهْرَانَيِ النَّاسِ، فَتَقْذِفُهُمْ فِي جَوْفِهَا ثُمَّ تَسْتَأْخِرُ، وَيَقْضِي اللَّهُ بَيْنَ الْعِبَادِ "

سیدنا ابو سعید رضی اللہ عنہ سے روایت ہے کہ میں نے رسول اللہ ﷺ کو یہ فرماتے ہوئے سنا: ”قیامت کے دن جب اللہ تعالیٰ تمام انسانوں کو ایک ہی میدان میں جمع فرمائے گا، تو جہنم کی آگ اس حال میں سامنے آئے گی کہ اس کا ایک حصہ دوسرے پر چڑھ رہا ہوگا اور اس کے نگہبان فرشتے اسے روک رہے ہوں گے، جبکہ وہ پکار رہی ہوگی: ”مجھے میرے رب کی عزت کی قسم! یا تو میرے اور میرے جوڑوں (مخصوص ساتھیوں) کے درمیان سے راستہ خالی کر دیا جائے وگرنہ میں ایک ہی جست میں تمام لوگوں کو اپنی لپیٹ میں لے لوں گی۔“ لوگ دریافت کریں گے: ”تیرے جوڑے کون ہیں؟“ تو وہ کہے گی: ”ہر وہ شخص جو سرکش اور متکبر تھا۔“ چنانچہ وہ اپنی زبان نکال کر انہیں مجمع کے اندر سے چن لے گی اور اپنے پیٹ میں جھونک دے گی، پھر وہ پیچھے ہٹ جائے گی۔ اس کے بعد وہ دوبارہ اسی طرح پیش قدمی کرے گی کہ اس کا ایک حصہ دوسرے پر سوار ہوگا اور نگہبان اسے قابو کر رہے ہوں گے، وہ پھر وہی قسم کھا کر کہے گی کہ یا تو میرے اور میرے جوڑوں کے درمیان سے رکاوٹ دور کر دی جائے ورنہ میں سب کو ایک ہی بار میں ہڑپ کر لوں گی۔ پوچھا جائے گا: ”تیرے جوڑے کون ہیں؟“ تو وہ جواب دے گی: ”ہر وہ جبار جو کفر کرنے والا اور سخت ناشکرا تھا۔“ چنانچہ وہ انہیں اپنی زبان سے اچک کر اپنے پیٹ میں ڈال دے گی اور پھر پیچھے ہٹ جائے گی۔ پھر وہ تیسری بار اسی کیفیت میں سامنے آئے گی اور وہی مطالبہ دہرائے گی، دریافت کیا جائے گا: ”تیرے جوڑے کون ہیں؟“ تو وہ کہے گی: ”ہر وہ شخص جو اترانے والا اور بڑائی مارنے والا تھا۔“ پھر وہ انہیں بھی اپنی زبان سے پکڑ کر اپنے اندر پھینک دے گی اور پیچھے ہٹ جائے گی، اور تب اللہ تعالیٰ بندوں کے درمیان فیصلہ فرمائے گا۔“