مسند أبي يعلى الموصلي

حَدَّثَنَا عُقْبَةُ ، حَدَّثَنَا يُونُسُ ، حَدَّثَنَا مُحَمَّدُ بْنُ إِسْحَاقَ ، عَنْ عَاصِمِ بْنِ عُمَرَ بْنِ قَتَادَةَ ، عَنْ مَحْمُودِ بْنِ لَبِيدٍ ، عَنْ أَبِي سَعِيدٍ الْخُدْرِيِّ ، أَنَّ رَسُولَ اللهِ - صَلَّى اللهُ عَلَيْهِ وَسَلَّمَ - قَالَ : « يَخْرُجُ يَأْجُوجُ وَمَأْجُوجُ ، فَيَخْرُجُ كَمَا قَالَ اللهُ » : مِنْ كُلِّ حَدَبٍ يَنْسِلُونَ قَالَ : فَيَغْمُرُونَ الْأَرْضَ ، فَيَنْحَازُ عَنْهُمُ الْمُسْلِمُونَ حَتَّى تَصِيرَ بَقِيَّةُ الْمُسْلِمِينَ فِي مَدَائِنِهِمْ وَحُصُونِهِمْ ، وَيَضُمُّونَ إِلَيْهِمْ مَوَاشِيَهُمْ ، حَتَّى إِنَّ أَوَّلَهُمْ لَيَمُرُّونَ بِالنَّهَرِ فَيَشْرَبُونَهُ حَتَّى مَا يَذَرُونَ فِيهِ شَيْئًا ، فَيَمُرُّ أَخِيرُهُمْ عَلَى إِثْرِهِمْ ، فَيَقُولُ قَائِلُهُمْ : لَقَدْ كَانَ هَاهُنَا مَاءٌ مَرَّةً ، ثُمَّ يَظْهَرُونَ عَلَى الْأَرْضِ ، وَيَقُولُ قَائِلُهُمْ : هَؤُلَاءِ أَهْلُ الْأَرْضِ قَدْ فَرَغْنَا مِنْهُمْ ، نُنَازِلُ أَهْلَ السَّمَاءِ ، حَتَّى إِنَّ أَحَدَهُمْ لَيَهُزُّ حَرْبَتَهُ ثُمَّ يَقْذِفُ بِهَا إِلَى السَّمَاءِ ، فَتَرْجِعُ مُتَخَضِّبَةً بِالدِّمَاءِ . فَيَقُولُونَ : قَدْ قَتَلْنَا أَهْلَ السَّمَاءِ . فَبَيْنَمَا هُمْ كَذَلِكَ إِذْ بَعَثَ إِلَيْهِمْ دَوَابًّا كَنَغَفِ الْجَرَادِ ، فَيَأْخُذُ بِأَعْنَاقِهِمْ فَيَمُوتُونَ مَوْتَ الْجَرَادِ يَرْكَبُ بَعْضُهُمْ بَعْضًا ، فَيُصْبِحُ الْمُسْلِمُونَ وَلَا يَسْمَعُونَ لَهُمْ حِسًّا ، فَيَقُولُونَ : مَنْ يَشْتَرِي نَفْسَهُ يَنْظُرُ مَا فَعَلُوا ؟ فَيَقُولُ رَجُلٌ مِنْهُمْ ، وَقَدْ وَطَّنَ نَفْسَهُ عَلَى أَنَّهُمْ يَقْتُلُونَهُ ، فَيَجِدُهُمْ مَوْتَى ، فَيُنَادِيهِمْ : أَلَا فَأَبْشِرُوا فَقَدْ أَهْلَكَ اللهُ عَدُوَّكُمْ ، فَيَخْرُجُ النَّاسُ وَيُخَلُّونَ سَبِيلَ مَوَاشِيهِمْ ، فَمَا يَكُونُ لَهَا رَعْيٌ إِلَّا لُحُومَهُمْ ، فَتَشْكَرُ عَنْهَا كَأَحْسَنِ مَا شَكِرَتْ عَنْ نَبَاتٍ أَصَابَتْهُ قَطُّ .

سیدنا ابو سعید خدری رضی اللہ عنہ سے روایت ہے کہ رسول اللہ ﷺ نے ارشاد فرمایا: ”یاجوج وماجوج کا خروج ہوگا اور وہ ٹھیک اسی طرح (تیزی سے) نکلیں گے جیسے اللہ سبحانہ و تعالی نے فرمایا ہے: ﴿مِنْ كُلِّ حَدَبٍ يَنْسِلُونَ﴾ یعنی ”وہ ہر بلندی سے دوڑتے ہوئے اتریں گے۔“ آپ ﷺ نے مزید فرمایا: ”پھر وہ پوری زمین پر چھا جائیں گے اور مسلمان ان کے خوف سے سمٹ کر اپنے شہروں اور قلعوں میں پناہ گزین ہو جائیں گے اور اپنے مویشیوں کو بھی اپنے ساتھ ہی محفوظ کر لیں گے۔ یاجوج وماجوج کا پہلا ریلا جب کسی دریا سے گزرے گا تو وہ اسے پی کر خشک کر دیں گے یہاں تک کہ وہاں کچھ بھی باقی نہیں بچے گا، پھر جب ان کا پچھلا گروہ وہاں سے گزرے گا تو وہ (خشک زمین دیکھ کر) کہے گا کہ کسی زمانے میں یہاں پانی ہوا کرتا تھا۔ پھر وہ زمین پر پوری طرح غالب آ جائیں گے اور ان کا کہنے والا کہے گا کہ یہ زمین کے رہنے والے تھے جن سے ہم فارغ ہو چکے، اب ہم آسمان والوں سے مقابلہ کریں گے، حتیٰ کہ ان میں سے کوئی اپنا نیزہ لہرا کر آسمان کی طرف پھینکے گا تو وہ خون سے لت پت ہو کر واپس آئے گا، جس پر وہ (بطور فتنہ) کہیں گے کہ ہم نے آسمان والوں کو بھی قتل کر دیا ہے۔ وہ اسی حال میں ہوں گے کہ اللہ تعالیٰ ان پر ٹڈی کی ناک کے کیڑوں کی طرح کے جانور (وباء) بھیجے گا جو ان کی گردنوں کو جکڑ لیں گے اور وہ ٹڈیوں کی طرح ایک دوسرے کے اوپر ڈھیر ہو کر مر جائیں گے۔ جب صبح ہوگی تو مسلمانوں کو ان کی طرف سے کوئی آہٹ سنائی نہیں دے گی، جس پر وہ کہیں گے کہ کون ہے جو اپنی جان کا سودا کر کے (یعنی جان ہتھیلی پر رکھ کر) یہ دیکھ کر آئے کہ انہوں نے کیا کیا؟ چنانچہ ان میں سے ایک شخص اپنی جان کی قربانی کا یقین کر کے نکلے گا مگر وہ انہیں مردہ پائے گا، تو وہ پکار کر کہے گا: اے لوگو! خوش ہو جاؤ، یقیناً اللہ تعالیٰ نے تمہارے دشمن کو ہلاک کر دیا ہے۔ پھر لوگ باہر نکل آئیں گے اور اپنے چوپایوں کو چھوڑ دیں گے، لیکن ان کے پاس ان کے گوشت کے سوا چرنے کو کچھ نہ ہوگا، چنانچہ وہ (مویشی) اسے کھا کر اس قدر فربہ اور موٹے تازہ ہو جائیں گے کہ کبھی بہترین نباتات چر کر بھی اتنے زیادہ فربہ نہیں ہوئے تھے۔“