مصنف ابن ابي شيبه

حضرت عکرمہ فرماتے ہیں کہ حضرت ابن عباس رضی اللہ عنہما نے ارشاد فرمایا : مکاتب کی سزا غلام کی سزا ہوگی۔

حضرت جریر فرماتے ہیں کہ حضرت مغیرہ نے ارشاد فرمایا : مکاتب کی سزا غلام کی سزا ہوگی جب تک اس پر بدل کتابت میں سے کچھ بھی باقی ہے۔

حضرت صالح بن حیّ فرماتے ہیں کہتے ہیں کہ حضرت شعبی نے ارشاد فرمایا : مکاتب کی سزا غلام کی سزا ہوگی جب تک اس پر بدل کتاب کا کچھ حصہ بھی باقی ہو۔

حضرت صالح بن حی فرماتے ہیں کہ حضرت شعبی نے ارشاد فرمایا : مکاتب کو غلام کی سزا دی جائے گی یہاں تک کہ وہ آزادہوجائے۔

حضرت معمر فرماتے ہیں کہ حضرت زھری نے ارشاد فرمایا : اس کی سزا غلام کی سزا ہوگی۔

ابراہیم فرماتے ہیں کہ حضرت علی رضی اللہ عنہ اس مکاتب غلام کے بارے میں جو کسی قابل حد جرم کا ارتکاب کرے فرماتے ہیں کہ اس کی ادائیگی کے بقدر اسے سزا دی جائے گی۔