مصنف ابن ابي شيبه

حضرت خلاس سے مروی ہے کہ حضرت علی رضی اللہ عنہ نے دو پیچھے بیٹھنے والوں کو ضامن بنایا۔

حضرت شعبی فرماتے ہیں کہ حضرت شریح نے ارشاد فرمایا : سوار کے پیچھے بیٹھنے والے سوار پر ضمان نہیں۔

حضرت شیبانی فرماتے ہیں کہ حضرت شعبی نے سوار کے پیچھے بیٹھنے والے سوار کے بارے میں یوں ارشاد فرمایا کہ وہ دونوں شریک ہوں گے۔

حضرت اشعث فرماتے ہیں کہ حسن بصری نے ارشاد فرمایا سوار اور اس کے پیچھے بیٹھنے والا برابر ہوں گے جو سواری نے کچلا ہے اور جو ضمان ہوگاوہ ان دونوں کے درمیان آدھا آدھا ہوگا۔

حضرت ابو العلائ فرماتے ہیں کہ حضرت قتادہ اور حضرت ابو ہاشم ان دونوں حضرات نے یوں ارشاد فرمایا سوار کے پیچھے بیٹھنے والا بھی اتنا ہی ضامن ہوگا جتنا آگے بیٹھنے والا ہوگا۔

حضرت شیبانی فرماتے ہیں کہ حضرت شعبی نے ارشاد فرمایا : سوار کے پیچھے بیٹھنے والے کو بھی ضامن بنایا جائے گا۔