مصنف ابن ابي شيبه

حضرت عطاء فرماتے ہیں کہ حضرت عمر نے ارشاد فرمایا : ہم ہڈیوں کا قصاص نہیں لیتے۔

حضرت ابن ابی ملیکہ فرماتے ہیں کہ حضرت ابن عباس رضی اللہ عنہما نے ارشاد فرمایا ہڈیوں میں قصاص نہیں۔

حضرت حصین نے فرمایا کہ حضرت عمر بن عبدالعزیز نے خط لکھا : ہڈی کے ٹوٹ جانے میں قصاص نہیں ہے۔

ابراہیم اور حضرت عامرشعبی ان دونوں حضرت نے ارشاد فرمایا ہڈی میں قصاص نہیں ہوتا۔

حضرت شیبانی فرماتے ہیں کہ امام شعبی نے ارشاد فرمایا کسی بھی ہڈی میں کوئی قصاص نہیں ہوتا سوائے چہرے اور سرکے۔

حضرت معمر سے مروی ہے کہ امام زہری نے ارشاد فرمایا : ہڈیوں کے ٹوٹنے میں کوئی قصاص نہیں۔

حضرت اشعث فرماتے ہیں کہ امام شعبی نے حسن بصری ان دونوں حضرات نے ارشاد فرمایا : ہڈی میں قصاص نہیں ہوتا۔

حضرت عبدالملک فرماتے ہیں کہ حضرت عطاء نے ارشاد فرمایا : جب ہاتھ اور پنڈلی ٹوٹ جائے تو ان کے توڑنے والے پر قصاص نہیں ہوگا لیکن اس پر دیت لازم ہوگی۔