مصنف ابن ابي شيبه

حضرت زہری کا ارشاد ہے کہ رسول اللہ صلی اللہ علیہ وآلہ وسلم نے عضو تناسل میں جب جڑ سے کٹ جائے یا حشفہ کٹ جائے تو پوری دیت یعنی سو اونٹ کا فیصلہ فرمایا ہے۔

حضرت علی رضی اللہ عنہ اور عبداللہ کا ارشاد ہے کہ حشفہ میں پوری دیت ہوگی اور جو اس سے کم ہو تو اس کے حساب سے دیت دینا ہوگی (یعنی پورا حشفہ نہ کٹا ہو)

حضرت علی رضی اللہ عنہ نے فرمایا ہے کہ حشفہ میں پوری دیت ہے۔

حسن فرماتے ہیں کہ حشفہ میں دیت ہے۔

ابراہیم فرماتے ہیں کہ حشفہ میں دیت ہے۔

حضرت عامر کا ارشاد ہے کہ حشفہ میں دیت ہے۔

حضرت ابن جریج کا ارشاد ہے کہ مجھ کو ابن ابی نجیح نے مجاہد سے یہ بات نقل کی ہے کہ اکیلے حشفہ میں پوری دیت ہے۔

حضرت ابن جریج کا ارشاد ہے کہ میں نے عطاء سے سوال کیا کہ آپ کا کیا خیال ہے کہ اگر حشفہ کٹ جائے ؟ انہوں نے جواب دیا کہ اس میں دیت ہوگی میں نے سوال کیا کہ کیا پوری دیت ہوگی ؟ انہوں نے جواب دیا کہ انہوں نے اسی طرح کہا ہے۔

حضرت علی رضی اللہ عنہ نے فرمایا ہے کہ حشفہ میں پوری دیت ہوگی۔