مصنف ابن ابي شيبه

حضرت عکرمہ بن خالد اٰل عمر کے آدمی سے روایت کرتے ہیں کہ آپ صلی اللہ علیہ وآلہ وسلم کا ارشاد ہے کہ عضو تناسل میں دیت ہے۔

حضرت علی رضی اللہ عنہ نے فرمایا ہے کہ عضو تناسل میں دیت ہے۔

حضرت عبداللہ کا ارشاد ہے کہ عضو تناسل میں دیت پانچ حصوں میں ہوگی۔

حضرت عمر بن عبدالعزیز فرماتے ہیں کہ عضو تناسل میں دیت ہے۔

حضرت عمر کا ارشاد ہے کہ عضو تناسل میں دیت ہے۔

حسن نے فرمایا ہے کہ عضو تناسل میں دیت ہے۔

حضرت زہری سے مروی ہے کہ رسول اللہ صلی اللہ علیہ وآلہ وسلم نے عضو تناسل میں دیت کا فیصلہ فرمایا ہے۔

حضرت ابن جریج ، عطاء سے نقل کرتے ہیں کہ میں نے ان سے سوال کیا کہ اگر عضو تناسل جڑ سے اکھڑ جائے تو ؟ انہوں نے جواب دیا کہ اس میں دیت ہے۔ پھر میں نے سوال کیا کہ آپ کی کیا رائے ہے کہ اگر حشفہ کٹ گیا پھر اس کے بقیہ حصہ سے کچھ کٹ گیا ؟ تو انہوں نے جواب دیا زخم کی دیت ہوگی۔

حضرت مجاہد فرماتے ہیں کہ عضو تناسل میں دیت ہے۔

حضرت عمرو بن شعیب ارشاد فرماتے ہیں کہ ابوبکر نے آدی کے عضو تناسل میں دیت یعنی سو اونٹ کا فیصلہ فرمایا ہے۔