مصنف ابن ابي شيبه

حضرت جرہد اپنے دادا سے روایت کرتے ہیں، فرماتے ہیں کہ نبی کریم صلی اللہ علیہ وآلہ وسلم نے مسجد میں ان کو دیکھا اس حال میں کہ ان پر چاد ر تھی اور ان کی ران کھلی ہوئی تھی۔ آپ صلی اللہ علیہ وآلہ وسلم نے فرمایا : بیشک ران ستر کا حصہ ہے۔

حضرت منصور فرماتے ہیں کہ حضرت عمر نے ارشاد فرمایا : آدمی کی ران ستر کا حصہ ہے۔

حضرت مغیرہ فرماتے ہیں کہ ابراہیم فرمایا کرتے تھے : ران ستر کا حصہ ہے۔

حضرت لیث فرماتے ہیں کہ حضر ت مجاہد نے ارشاد فرمایا : مسجد میں ران کا کھلنا ستر کا حصہ ہے۔

حضرت ابن عباس رضی اللہ عنہما فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا : ران ستر کا حصہ ہے۔