مصنف ابن ابي شيبه

حضرت سلیمان بن موسیٰ فرماتے ہیں کہ بیشک ہر چیز کے لیے عزت و بزرگی ہے۔ معزز ترین مجلس وہ ہیں جن میں قبلہ رخ ہو کر بیٹھا جاتا ہے اور آپ نے فرمایا : میں نے حضرت سفیان کو قبلہ رخ کے سوا بیٹھے ہوئے نہیں دیکھا۔

حضرت ابن عون فرماتے ہیں کہ امام محمد جب سوتے تو قبلہ رخ ہو کر سوتے اور کبھی کبھی چت ہو کر بھی لیٹ جاتے۔

حضرت عبد الرحمن بن یزید فرماتے ہیں کہ حضرت ابن مسعود قبلہ رخ ہو کر بیٹھے۔

حضرت محمد بن عبد اللہ شعیثی فرماتے ہیں کہ حضرت مکحول نے ارشاد فرمایا : مجلسوں میں افضل ترین مجلس وہ ہے جس میں قبلہ رخ ہو کر بیٹھا جائے۔

حضرت ثور فرماتے ہیں کہ حضرت سلیمان بن موسیٰ نے ارشاد فرمایا : کہ ہر چیز کا کوئی سردار ہوتا ہے مجلسوں کی سردار وہ مجلس ہے جس میں قبلہ رخ ہو کر بیٹھا جائے۔