مصنف ابن ابي شيبه

امام شعبی فرماتے ہیں کہ نبی کریم صلی اللہ علیہ وآلہ وسلم حضرت جعفر بن ابی طالب سے ملے تو آپ صلی اللہ علیہ وآلہ وسلم نے ان کو چمٹا لیا اور ان کی دونوں آنکھوں کے درمیان آپ صلی اللہ علیہ وآلہ وسلم نے بوسہ لیا۔

حضرت عتبہ بن ابی عثمان فرماتے ہیں کہ حضرت عمر نے حضرت حذیفہ رضی اللہ عنہ سے مصافحہ کیا۔

حضرت ابو بلج فرماتے ہیں کہ میں نے حضرت عمرو بن میمون اور حضرت اسود بن ھلال کو ملتے ہوئے دیکھا۔ ان دونوں نے آپس میں معانقہ فرمایا۔

حضرت عباد بن عباد فرماتے ہیں کہ میں نے حضرت ابو مجلز اور حضرت خالد اثبج کو دیکھا کہ جب دونوں ملے تو انہوں نے ایک دوسرے سے معانقہ کیا۔

حضرت ایاس بن دغفل فرماتے ہیں کہ میں نے حضرت ابو نضرہ کو دیکھا آپ نے حسن بصری کے رخسارکا بوسہ لیا۔

حضرت معاذۃ العدویہ فرماتی ہیں کہ حضرت صلہ بن اشیم کے اصحاب جب آپ کے پاس آتے تھے تو ان میں سے بعض بعض سے گلے ملتے تھے۔