مصنف ابن ابي شيبه

حضرت شعبہ ایک آدمی سے نقل کرتے ہیں کہ حضرت شریح نے ارشاد فرمایا : بردباری بہت بڑا خزانہ ہے۔

حضرت عاصم احول فرماتے ہیں کہ امام شعبی نے ارشاد فرمایا : علم کی زینت اس کے علم کی بردباری سے ہے۔

حضرت ہشام فرماتے ہیں کہ حضرت عروہ نے ارشاد فرمایا : بردباری نہیں حاصل ہوتی مگر تجربوں سے۔

حضرت سلمہ بن وھرام فرماتے ہیں کہ حضرت طاؤس نے ارشاد فرمایا : علم برے حلم کی مانند نہیں اٹھایا جاسکتا۔

حضرت برد فرماتے ہیں کہ حضرت سلیمان بن موسیٰ نے ارشاد فرمایا : کوئی چیز کسی چیز میں جمع ہو کر مزین نہیں ہوئی جتنا علم حلم کے ساتھ جمع ہو کر مزین ہوتا ہے۔

حسن فرماتے ہیں کہ حضرت احنف بن قیس نے ارشاد فرمایا : بیشک میں بردبار نہیں ہوں، لیکن میں تکلف سے برد باری ظاہر کرتا ہوں۔