مصنف ابن ابي شيبه

حضرت عمار فرماتے ہیں کہ رسول اللہ صلی اللہ علیہ وآلہ وسلم نے ارشا دفرمایا : جس شخص کے دنیا میں دو چہرے ہوں گے تو قیامت کے دن اس کی آگ کی دو زبانیں ہوں گی۔

امام زہری فرماتے ہیں کہ ایک آدمی نے نبی کریم صلی اللہ علیہ وآلہ وسلم کو تین مرتبہ سلام کیا لیکن آپ صلی اللہ علیہ وآلہ وسلم نے اس کو جواب نہیں دیا۔ آپ صلی اللہ علیہ وآلہ وسلم سے اس بارے میں پوچھا گیا ! تو آپ صلی اللہ علیہ وآلہ وسلم نے فرمایا : بیشک وہ دو رخا شخص ہے۔

حضرت ابوہریرہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا ! تو قیامت کے دن اللہ کے نزدیک لوگوں میں سب سے بدترین شخص دو چہرے والوں کو پائے گا۔

حضرت عکرمہ فرماتے ہیں کہ حضرت لقمان نے ارشاد فرمایا : دو چہرے والا شخص اللہ کے نزدیک امانت دار نہیں ہوگا۔

حضرت مالک بن اسماء بن خارجہ فرماتے ہیں کہ میں نے حضرت عبد اللہ بن مسعود رضی اللہ عنہ کو یوں فرماتے ہوئے سُنا : بیشک دو زبانوں والے کی قیامت کے دن آگ کی دو زبانیں ہوں گی۔