مصنف ابن ابي شيبه

حضرت اعمش فرماتے ہیں کہ ابراہیم نے مجھے دیکھا کہ میں اپنے داہنے ہاتھ سے ناک صاف کر رہا تھا، تو آپ نے مجھے منع فرمایا : اور فرمایا : تم پر بایاں ہاتھ لازم ہے اور تم دائیں ہاتھ سے ناک صاف کرنے کی عادت مت بناؤ۔

حضرت عائشہ رضی اللہ عنہا فرماتی ہیں کہ رسول اللہ صلی اللہ علیہ وآلہ وسلم کا داہنا ہاتھ کھانے اور نماز کے لیے اور بایاں ہاتھ ان کے علاوہ کاموں کے لیے تھا۔

حضرت رزیق بن سوار فرماتے ہیں کہ حضرت حسن بن علی رضی اللہ عنہ نے اپنے داہنے ہاتھ سے ناک صاف کی۔

حضرت اعمش فرماتے ہیں کہ ابراہیم نے ارشاد فرمایا : صحابہ مکروہ سمجھتے تھے کہ آدمی اپنے داہنے ہاتھ سے ناک صاف کرے۔

حضرت حکم ابو المعاذ فرماتے ہیں کہ میں نے حسن کو دیکھا کہ انہوں نے اپنے داہنے ہاتھ سے ناک صاف کی۔