مصنف ابن ابي شيبه

حضرت شریح فرماتے ہیں کہ یہودی اور نصرانی کی گواہی صرف سفر اور وصیت میں جائز ہے۔

حضرت شعبی سے مروی ہے کہ قبیلہ خثعم کا ایک شخص دقوقا مقام میں وفات پا گیا، اس نے اپنی وصیت پر صرف دو نصرانیوں کو گواہ بنایا۔ اُن دونوں کو ابو موسیٰ نے عصر کے بعد ان الفاظ کے ساتھ قسم دی کہ خدا کی قسم ! ہم نے خیانت نہیں کی، نہ ہی اس کو چھپایا ، اور نہ ہی اس کو تبدیل کیا ، بیشک یہی وصیت ہے، پھر انہوں نے ان نصرانیوں کی گواہی کو نافذ کردیا۔

حضرت عبیدہ قرآن پاک کی آیت { أَوْ آخَرَانِ مِنْ غَیْرِکُمْ } کے متعلق فرماتے ہیں کہ اہل کتاب مراد ہیں۔

ابراہیم فرماتے ہیں کہ { أَوْ آخَرَانِ مِنْ غَیْرِکُمْ } سے مراد تمہارے دین کے علاوہ لوگ ہیں۔

حضرت سعید بن المسیب بھی اسی طرح مروی ہے۔

حضرت ابو مجلز سے بھی اسی طرح مروی ہے۔

حضرت سعید بن جبیر رحمہ اللہ سے بھی اسی طرح مروی ہے۔

حسن فرماتے ہیں کہ تمہارے خاندان کے علاوہ لوگ مراد ہیں۔

حضرت عبیدہ سے اس کے متعلق دریافت کیا گیا ؟ فرمایا تمہارے دین کے علاوہ لوگ مراد ہیں۔

حضرت ابن سیرین رحمہ اللہ { أَوْ آخَرَانِ مِنْ غَیْرِکُمْ } سے مراد ساری ملتوں والے لوگ ہیں۔

حضرت زہری رحمہ اللہ قرآن پاک کی آیت { أَوْ آخَرَانِ مِنْ غَیْرِکُمْ } کے متعلق ارشاد فرماتے ہیں کہ وہ میراث والوں میں سے ہیں۔