مصنف ابن ابي شيبه

حسن اور ابن سیرین رحمہ اللہ فرماتے ہیں کہ تولیہ بھی بیع ہے۔ تولیہ کہتے ہیں کہ جتنے کی خریدی ہے اتنے میں ہی بغیر منافع حاصل کئے آگے فروخت کردینا۔

حضرت عامر رحمہ اللہ فرماتے ہیں تولیہ بھی بیع ہے۔

حضرت زہری رحمہ اللہ فرماتے ہیں کہ تولیہ بھی بیع ہی ہے، قبضہ کئے بغیر پیٹھ نہیں پھیرے گا۔

حضرت حکم فرماتے ہیں کہ تولیہ بیع ہے۔

حضرت طاؤس رحمہ اللہ بیع تولیہ کرنے میں کوئی حرج نہیں سمجھتے تھے۔

حضرت ابن سیرین فرماتے ہیں تولیہ بیع ہے۔

حضرت زہری فرماتے ہیں تولیہ بیع ہے۔

محمد رحمہ اللہ فرماتے ہیں تولیہ بھی بیع ہے۔