مصنف ابن ابي شيبه

حضرت سعید بن جبیر فرماتے ہیں جب مرد اور عورت دونوں کا جنازہ اکھٹا ہو تو عورت (کی میت کے) کے سر کو مرد کے کندھوں کے پاس رکھیں گے، پھر امام عورت کے سر کے پاس اور مرد کے درمیان (سینے) میں کھڑا ہوگا۔

حضرت عمرو بن مہاجر فرماتے ہیں کہ میں نے حضرت واثلہ بن اسقع کے ساتھ طاعون کے زمانہ میں مردوں اور عورتوں کے ساٹھ جنازے پڑھے۔ ان سب کی دو صفیں بنائی گئیں۔ عورتوں کی صف مردوں کے سامنے، عورت کی چارپائی کا سر اس کی ساتھی (عورت) کے ٹانگوں کے پاس، اور مرد کا سر اس کے ساتھی (مرد) کے ٹانگوں کے پاس۔

حضرت حبیب بن ابی ثابت فرماتے ہیں کہ حضرت سعید بن جبیر اہل مکہ کے پاس آئے وہ مرد اور عورت کے جنازے کو برابر رکھ کر (ان کے سروں اور ٹانگوں کو) جنازہ ادا کرتے تھے۔ حضرت سعید بن جبیر نے ان کو بتلایا کہ وہ عورت کے سر کو مرد کے درمیان میں رکھیں۔

ابراہیم سے دریافت کیا گیا کہ ایک جنازے میں کئی مرد اور عورتیں ہوں تو کیا کریں ؟ آپ نے فرمایا ان کے سروں کو برابر کیا جائے اور ہوجائیں گی دو صفیں امام اور قبلہ کے درمیان۔

حضرت شعبی بھی ابراہیم کے مثل بیان کرتے ہیں۔

حضرت داؤد فرماتے ہیں کہ میں نے حضرت سعید بن المسیب سے اسی طرح سنا۔

حضرت سلیمان بن موسیٰ فرماتے ہیں کہ حضرت واثلہ بن اسقع مردوں کے سروں کو عورتوں کے گھٹنوں کے پاس رکھتے۔

حضرت سعید بن المسیب فرماتے ہیں کہ مرد کے سر کو فضلیت دی جائے گی۔ (مرد کے سر کو آگے کیا جائے گا) ۔