مصنف ابن ابي شيبه

ایوب فرماتے ہیں کہ ہم ایک جنازے میں شریک تھے، قصہ گو لوگوں میں سے بعض نے اپنی آواز کو بلند کیا تو حضرت ابو قلابہ نے ارشاد فرمایا : وہ لوگ (صحابہ کرام ) خاموش رہ کر میت کی تعظیم کرتے تھے۔

حضرت قیس بن عباد ارشاد فرماتے ہیں کہ صحابہ کرام تین موقعوں پر آواز پست رکھنے کو پسند فرماتے تھے، قتال کے وقت، تلاوت قرآن کے وقت اور جنازے میں۔

حضرت قیس بن عباد سے اسی طرح منقول ہے۔

حضرت ابن جریج فرماتے ہیں کہ نبی اکرم (صلی اللہ علیہ وآلہ وسلم) جب کسی جنازے میں شریک ہوتے تو زیادہ خاموش رہتے اور اپنے نفس سے ہم کلام رہتے۔

حسن ارشاد فرماتے ہیں کہ نبی اکرم (صلی اللہ علیہ وآلہ وسلم) تین موقعوں پر آواز بلند کرنے کو ناپسند سمجھتے تھے، جنازہ میں، جب دو لشکر آپس میں ملیں اور قرآن پاک کی تلاوت کے وقت۔