مصنف ابن ابي شيبه

ابراہیم سے مروی ہے کہ صحابہ کرام پسند فرماتے تھے کہ ہر چیز کی زکوٰۃ اسی میں سے ادا کی جائے۔ چاندی کی زکوٰۃ چاندی سے، سونے کی سونے سے، گائے کی زکوٰۃ گائے سے اور بکریوں کی زکوٰۃ بکریوں سے۔

حسن ناپسند فرماتے تھے کہ زکوٰۃ میں سامان وصول کیا جائے۔

حضرت ابن جریج فرماتے ہیں کہ میں نے حضرت ابن ابی نجیح سے سنا وہ فرماتے ہیں کہ حضرت عمر بن عبد العزیز نے کھجور کی زکوٰۃ کے متعلق تحریر فرمایا کہ : برنی کھجور (خاص قسم کی کھجور) کی زکوٰۃ برنی کھجور سے ادا کی جائے اور لون کھجور (خاص کھجور) کی زکوٰۃ اسی کھجور سے ادا کی جائے۔ لون کھجور کی زکوٰۃ پر برنی کھجور نہیں وصول کی جائے گی۔