مصنف ابن ابي شيبه

حضرت ربیع بن خثیم فرماتے ہیں کہ کیا تم میں سے کسی میں اتنی طاقت نہیں کہ وہ رکوع یاسجدے میں یکتا اور صمد اللہ کے لئے ایک تہائی قرآن کی تلاوت کرے۔

حضرت ابان بن صمعہ حضرت عبد اللہ بن زبیر کے پاس موجود ایک شیخ سے روایت کرتے ہیں کہ حضرت عبداللہ بن زبیر نے حالت رکوع میں سورة البقرۃ کی تلاوت کی، پھر سر اٹھایا اور سورة آل عمران کی تلاوت کی، پھر سجدے میں گئے تو سورة النساء کی تلاوت کی، پھر سر اٹھایا تو سورۃ المائدہ کی تلاوت کی۔

حضرت عطاء فرماتے ہیں کہ حضرت عبید بن عمیر رکوع و سجود میں تلاوت کیا کرتے تھے۔

ابراہیم فرماتے ہیں کہ اس بات میں کوئی حرج نہیں کہ جب آدمی کو رکوع کی جلدی ہو تو وہ کسی سورت کی باقی ماندہ ایک یا دو آیتیں رکوع میں پڑھ لے۔