مصنف ابن ابي شيبه

ابراہیم ایسی عورت کے بارے میں جسے حالت جنابت میں حیض آجائے فرماتے ہیں کہ وہ غسل کرے۔

حضرت عطاء فرماتے ہیں کہ حیض جنابت سے بڑی ناپاکی ہے۔

حسن ایسی عورت کے بارے میں جسے حالت جنابت میں حیض آجائے فرماتے ہیں کہ حضرت انس کو پسند تھا کہ ایسی عورت غسل کرلے۔

حضرت زہری ایسی عورت کے بارے میں جسے حالت جنابت میں حیض آجائے فرماتے ہیں کہ وہ غسل کرے گی۔

حضرت شعبہ فرماتے ہیں کہ میں نے حضرت حکم اور حضرت حماد سے ایسی عورت کے بارے میں پوچھا جسے حالت جنابت میں حیض آجائے تو فرمایا یہ غسل کرے۔

حضرت قتادہ فرماتے ہیں کہ ایسی عورت غسل کرے گی۔

ابراہیم فرماتے ہیں کہ غسل کرے اور پھر حیض کے دن گزارے۔

حضرت عطاء فرماتے ہیں کہ اس پر غسل لازم نہیں۔ ابراہیم فرماتے ہیں کہ غسل لازم نہیں۔

حضرت جابر بن زید سے اس عورت کے بارے میں سوال کیا گیا جسے حالت جنابت میں غسل کرنے سے پہلے حیض آجائے۔ فرمایا ” اگر وہ حائضہ ہوگئی تو اس پر غسل کرنا لازم ہے “۔

حضرت عامر فرماتے ہیں اگر چاہے تو غسل کرے اور اگر چاہے تو غسل نہ کرے۔

حضرت عطاء فرماتے ہیں کہ وہ غسل جنابت کرے اور جب پاک ہوجائے تو حیض کا غسل بھی کرلے۔