مصنف ابن ابي شيبه

حضرت ربیع فرماتی ہیں کہ نبی کریم صلی اللہ علیہ وآلہ وسلم ہمارے ہاں تشریف لائے اور آپ نے وضو فرمایا، وضو میں آپ نے سر کے مسح کے لئے نیا پانی نہیں لیا بلکہ ہاتھوں پر موجود پانی سے سر کا مسح فرمایا۔

حضرت ہشام اپنے والد سے روایت کرتے ہیں کہ حضرت حمید اور حسن ہاتھوں پر لگے ہوئے پانی سے سر کا مسح فرمایا کرتے تھے۔

حضرت ابو جعفر فرماتے ہیں کہ نبی کریم صلی اللہ علیہ وآلہ وسلم ہاتھوں پر بچے ہوئے پانی سے سر کا مسح فرمایا کرتے تھے۔