المعجم الكبير للطبراني

سیدہ اسماء بنت یزید رضی اللہ عنہا کہتی ہیں: رسول اللہ ﷺ جس دن فوت ہوئے، آپ ﷺ کی زرہ ایک یہودی شخص کے پاس ایک وَسق جَو کے بدلے گروی رکھی ہوئی تھی۔

راوی کہتے ہیں: میں نے سیدہ اسماء بنت یزید رضی اللہ عنہا کو یہ کہتے سنا: ایک دن رسول اللہ ﷺ مسجد میں تشریف لائے اور عورتوں کی ایک جماعت بیٹھی ہوئی تھی، آپ ﷺ نے اپنا دایاں ہاتھ ہلا کر سلام کیا اور ان کی طرف مسکرائے، اور فرمایا: ”نعمتوں کی ناشکری سے بچو۔“ ایک عورت نے کہا: یا رسول اللہ! میں اللہ کی نعمتوں کی ناشکری سے اللہ کی پناہ مانگتی ہوں، آپ ﷺ نے فرمایا: ”تم میں سے کسی کی شادی میں دیر ہو جاتی ہے، پھر اللہ اسے شوہر عطا کرتا ہے، اور اس سے اولاد اور آنکھوں کی ٹھنڈک عطا فرماتا ہے، پھر وہ کسی وقت غصے میں آ کر اللہ کی قسم کھا کر کہتی ہے: میں نے اس سے کبھی کسی گھڑی بھلائی نہیں دیکھی، یہ بھی اللہ کی نعمتوں کی ناشکری ہے، یہ بھی اللہ کی نعمتوں کی ناشکری ہے، یہ بھی اللہ کی نعمتوں کی ناشکری ہے۔“

سیدہ اسماء بنت یزید رضی اللہ عنہا سے روایت ہے کہ رسول اللہ ﷺ ایک مجلس میں بیٹھے تو لوگوں کو دجال سے خبردار کیا، پھر راوی نے مکمل حدیث بیان کی۔