المعجم الكبير للطبراني

علی بن ربیعہ والبی رحمہ اللہ کہتے ہیں: کوفہ میں سب سے پہلے جس پر نوحہ کیا گیا وہ قرظہ بن کعب انصاری رضی اللہ عنہ تھے، تو (بتایا گیا کہ) مغیرہ رضی اللہ عنہ کھڑے ہوئے، اللہ کی حمد و ثنا بیان کی، پھر فرمایا: میں نے رسول اللہ ﷺ کو فرماتے سنا: ”جو مجھ پر جان بوجھ کر جھوٹ باندھے، وہ اپنا ٹھکانہ جہنم میں بنا لے۔“
اور میں نے آپ ﷺ کو یہ بھی فرماتے سنا: ”جس پر نوحہ کیا جائے، اسے اس نوحے کے سبب عذاب دیا جاتا ہے۔“

سیدنا مغیرہ بن شعبہ رضی اللہ عنہ کہتے ہیں: میں نے رسول اللہ ﷺ کو فرماتے سنا: ”مجھ پر جھوٹ باندھنا کسی اور پر جھوٹ باندھنے جیسا نہیں ہے۔“
اور میں نے رسول اللہ ﷺ کو یہ فرماتے سنا: ”جو مجھ پر جان بوجھ کر جھوٹ باندھے، وہ اپنا ٹھکانہ جہنم میں بنا لے۔“
اور رسول اللہ ﷺ نے فرمایا: ”جب میت پر نوحہ کیا جاتا ہے تو اسے اس نوحے کے سبب عذاب دیا جاتا ہے۔“

سیدنا مغیرہ بن شعبہ رضی اللہ عنہ سے روایت ہے کہ وہ ایک سفر میں نبی کریم ﷺ کے ساتھ تھے، آپ ﷺ نے وضو کیا اور موزوں پر مسح فرمایا۔

سیدنا مغیرہ بن شعبہ رضی اللہ عنہ سے روایت ہے کہ نبی کریم ﷺ نے وضو کیا اور اپنے موزوں پر مسح فرمایا۔