المعجم الكبير للطبراني

سیدنا مغیرہ بن شعبہ رضی اللہ عنہ کہتے ہیں: نبی کریم ﷺ سے دجال کے بارے میں مجھ سے زیادہ کسی نے سوال نہیں کیا، تو آپ ﷺ نے فرمایا: ”تم کیا کرو گے؟ وہ تمہیں نقصان نہیں پہنچائے گا۔“ میں نے عرض کیا: کیا میں ابن صیاد کو قتل نہ کر دوں؟ آپ ﷺ نے فرمایا: ”تمہیں اسے قتل کرنے سے کیا حاصل ہو گا؟ اگر وہ دجال ہوا تو تم اسے قتل نہیں کر سکو گے، اور اگر وہ دجال نہ ہوا تو اس کے قتل کرنے سے تمہیں کیا فائدہ؟“

سیدنا مغیرہ بن شعبہ رضی اللہ عنہ کہتے ہیں: ہم نبی اللہ ﷺ کے ساتھ سخت گرمی میں ظہر کی نماز پڑھا کرتے تھے، تو رسول اللہ ﷺ نے ہم سے فرمایا: ”نماز میں ٹھنڈک کا انتظار کرو (تاخیر کرو)، کیونکہ سخت گرمی جہنم کی بھاپ میں سے ہے۔“