المعجم الكبير للطبراني

سیدنا معقل بن یسار رضی اللہ عنہ کہتے ہیں کہ رسول اللہ ﷺ نے فرمایا: ”مدینہ میری ہجرت گاہ ہے اور زمین میں میری آرام گاہ ہے، میری امت پر یہ حق ہے کہ وہ میرے پڑوسیوں (اہلِ مدینہ) کی عزت کریں جب تک وہ کبیرہ گناہوں سے بچتے رہیں، اور جو ان میں سے ایسا نہ کرے، اللہ تعالیٰ اسے 'طینۃ الخبال' سے پلائے گا۔“ ہم نے عرض کیا: اے ابویسار! طینۃ الخبال کیا ہے؟ انہوں نے کہا: ”یہ جہنمیوں کا نچوڑا ہوا فضلہ ہے۔“

سیدنا معقل بن یسار رضی اللہ عنہ کہتے ہیں کہ رسول اللہ ﷺ نے فرمایا: ”مسلمان اپنے غیروں کے مقابلے میں ایک ہاتھ ہیں، ان کے خون ایک دوسرے کے برابر ہیں، کوئی مومن کسی کافر کے بدلے قتل نہیں کیا جائے گا، اور نہ کوئی معاہد اپنے عہد کی مدت میں۔“