المعجم الكبير للطبراني

سیدنا معاویہ رضی اللہ عنہ نبی کریم ﷺ سے روایت کرتے ہیں کہ آپ ﷺ نے فرمایا: ”میں تو صرف پہنچانے والا ہوں اور ہدایت دینے والا اللہ ہے، اور میں تقسیم کرنے والا ہوں اور دینے والا اللہ ہے، تو جسے مجھ سے کوئی چیز اچھے طریقے اور رغبت کے ساتھ پہنچے تو اس میں اس کے لیے برکت ڈالی جاتی ہے، اور جسے کوئی چیز برے طریقے اور بے رغبتی کے ساتھ پہنچے تو اس کی مثال اس شخص کی سی ہے جو کھاتا ہے مگر سیر نہیں ہوتا۔“

ابوہزان عطیہ بن ابی جمیلہ نے یہ حدیث بیان کی اور اسے سیدنا معاویہ بن ابی سفیان رضی اللہ عنہ کی طرف منسوب کیا، اور سیدنا معاویہ رضی اللہ عنہ اسے رسول اللہ ﷺ کی طرف منسوب کرتے ہیں، آپ ﷺ نے فرمایا: ”میں تو صرف پہنچانے والا ہوں اور ہدایت دینے والا اللہ ہے، اور میں تو صرف تقسیم کرنے والا ہوں اور دینے والا اللہ ہے، تو جسے ہماری طرف سے کوئی چیز اچھے طریقے اور اچھی رغبت کے ساتھ پہنچے تو اس میں اس کے لیے برکت ڈالی جاتی ہے، اور جسے ہماری طرف سے کوئی چیز برے طریقے اور بے رغبتی کے ساتھ پہنچے تو اس کی مثال اس شخص کی سی ہے جو کھاتا ہے مگر سیر نہیں ہوتا۔“