المعجم الكبير للطبراني

میسرہ بن حبیب رحمہ اللہ موسیٰ بن طلحہ رحمہ اللہ سے روایت کرتے ہیں، وہ کہتے ہیں: میں نے سیدنا عثمان رضی اللہ عنہ کو منبر پر کھڑے ہو کر خطبہ دیتے دیکھا، اور میں نے سیدنا معاویہ رضی اللہ عنہ کو بیٹھ کر خطبہ دیتے دیکھا، تو انہوں نے فرمایا: ”سن لو! میں سنت سے ناواقف نہیں ہوں، لیکن میری عمر بڑھ گئی ہے، میری ہڈیاں کمزور ہو گئی ہیں اور تمہاری ضروریات زیادہ ہو گئی ہیں، تو میں نے چاہا کہ بیٹھ کر تمہاری کچھ ضروریات پوری کر دوں پھر کھڑا ہو کر سنت کا اپنا حصہ ادا کر لوں۔“

اسحاق بن یحییٰ بن طلحہ رحمہ اللہ موسیٰ بن طلحہ رحمہ اللہ سے روایت کرتے ہیں، وہ کہتے ہیں: میں سیدنا معاویہ بن ابی سفیان رضی اللہ عنہ کے پاس گیا، جب میں نکلا تو انہوں نے مجھے بلایا اور فرمایا: سنو، اے بھتیجے! ایک حدیث ہے جو میں نے رسول اللہ ﷺ سے سنی، میں گواہی دیتا ہوں کہ میں نے رسول اللہ ﷺ کو یہ فرماتے سنا: ”طلحہ ان لوگوں میں سے ہیں جنہوں نے اپنی نذر پوری کر دی۔“