المعجم الكبير للطبراني

سیدنا عقبہ بن عامر رضی اللہ عنہ منبر پر بیان کرتے ہوئے کہتے ہیں: رسول اللہ ﷺ مدینہ تشریف لائے تو میں اس وقت بکریاں چرا رہا تھا، میں نے انہیں چھوڑا اور آپ ﷺ کی طرف چل پڑا، اور عرض کیا: یا رسول اللہ! مجھ سے بیعت لیجیے۔ آپ ﷺ نے پوچھا: ”تم کس قبیلے سے ہو؟“ میں نے آپ کو بتایا تو آپ ﷺ نے فرمایا: ”تمہیں کون سی بیعت زیادہ پسند ہے، ہجرت کی بیعت یا اعرابی (بدوی) بیعت؟“ میں نے عرض کیا: ہجرت کی بیعت۔ چنانچہ آپ ﷺ نے مجھ سے بیعت لے لی۔ پھر فرمایا: ”یہاں معد (قبیلے) میں سے جو ہو وہ کھڑا ہو جائے۔“ میں کھڑا ہو گیا تو فرمایا: ”بیٹھ جاؤ۔“ پھر فرمایا: ”یہاں معد میں سے جو ہو وہ کھڑا ہو جائے۔“ میں پھر کھڑا ہو گیا تو فرمایا: ”بیٹھ جاؤ۔“ پھر تیسری بار یہی فرمایا تو میں کھڑا ہو گیا، آپ ﷺ نے فرمایا: ”بیٹھ جاؤ۔“ میں نے عرض کیا: یا رسول اللہ! ہم کس نسب سے ہیں؟ آپ ﷺ نے فرمایا: ”تم قضاعہ سے ہو، پھر مالک بن حمیر سے۔“

سیدنا عقبہ بن عامر رضی اللہ عنہ کہتے ہیں کہ میں نے رسول اللہ ﷺ کو فرماتے سنا: ”یہاں معد میں سے جو ہو وہ کھڑا ہو جائے“ … اور آگے اسی طرح کی حدیث بیان کی جو اوپر مذکور ہوئی۔