المعجم الكبير للطبراني

سیدنا ابوامامہ رضی اللہ عنہ بیان کرتے ہیں کہ میں نے رسول اللہ ﷺ کو دیکھا کہ آپ ﷺ اپنی نظر آسمان کی طرف اٹھائے دیکھ رہے تھے، ہم نے عرض کیا: اے اللہ کے رسول، یہ کیا ہے؟ آپ ﷺ نے فرمایا: ”میں نے ایک فرشتے کو دیکھا جو سلمان کے عمل کو (اوپر) لے کر چڑھا۔“

سیدنا ابوامامہ رضی اللہ عنہ فرماتے ہیں کہ میں نے رسول اللہ ﷺ کو سیدہ عائشہ رضی اللہ عنہا سے یہ فرماتے سنا: ”کیا تمہیں پتا ہے کہ اللہ عزوجل نے جنت میں میرا نکاح مریم بنت عمران، موسیٰ علیہ السلام کی بہن کلثم، اور فرعون کی بیوی سے کر دیا ہے؟“

سیدنا ابوامامہ رضی اللہ عنہ سے روایت ہے کہ ایک آدمی نے نبی کریم ﷺ سے سوال کیا اور کہا: اے اللہ کے رسول، بیوی پر شوہر کا کیا حق ہے؟ آپ ﷺ نے فرمایا: ”اگر کوئی عورت اپنے گھر سے نکلے، پھر واپس آئے اور اپنے شوہر کو اس حال میں پائے کہ وہ کوڑھ کی وجہ سے ٹکڑے ٹکڑے ہو چکا ہو اور اس کی ناک سے مسلسل رطوبت بہہ رہی ہو، اور وہ اپنی زبان سے اسے چاٹ لے، تب بھی وہ اس کا حق ادا نہیں کر سکتی، اور کسی عورت کو یہ حق نہیں کہ وہ اپنے شوہر کی اجازت کے بغیر اس کے گھر سے نکلے، اور نہ یہ کہ اس کی اجازت کے بغیر اس کے گھر سے کچھ دے۔“