المعجم الكبير للطبراني

سیدنا ابو امامہ رضی اللہ عنہ سے روایت ہے کہ رسول اللہ ﷺ نے فرمایا: ”جو شخص اللہ اور یومِ آخرت پر ایمان رکھتا ہو، وہ ریشم اور سونا نہ پہنے۔“

سیدنا ابو امامہ رضی اللہ عنہ سے روایت ہے کہ انہوں نے رسول اللہ ﷺ کو فرماتے سنا: ”جو شخص اللہ اور یومِ آخرت پر ایمان رکھتا ہو، وہ ریشم اور سونا نہ پہنے۔“

سیدنا ابو امامہ رضی اللہ عنہ سے روایت ہے کہ انہوں نے رسول اللہ ﷺ کو فرماتے سنا: ”جو شخص اللہ اور یومِ آخرت پر ایمان رکھتا ہو، وہ ریشم اور سونا نہ پہنے۔“

سیدنا ابو امامہ رضی اللہ عنہ سے روایت ہے: ”نبی کریم ﷺ نے ایک جنازے کی نماز پڑھائی، اس وقت آپ ﷺ کے ساتھ سات آدمی تھے، تو آپ ﷺ نے تین کی ایک صف، اور دو کی ایک صف، اور دو کی ایک صف بنائی۔“

سیدنا ابو امامہ رضی اللہ عنہ کہتے ہیں: میں نے حجۃ الوداع کے سال نبی کریم ﷺ کا خطبہ سنا، آپ ﷺ نے بہت اچھی اور خوبصورت باتیں فرمائیں، جن میں یہ بھی تھا: ”دونوں اہلِ کتاب میں سے جو اسلام لائے، اسے دگنا اجر ملے گا، اور اسے وہی حاصل ہو گا جو ہمیں حاصل ہے، اور اس پر وہی ذمہ داری ہو گی جو ہم پر ہے۔ اور مشرکوں میں سے جو اسلام لائے، اسے اس کا اجر ملے گا، اور اسے وہی حاصل ہو گا جو ہمیں حاصل ہے، اور اس پر وہی ذمہ داری ہو گی جو ہم پر ہے۔“